ԱՐԵՆԻԻ ԳՅՈՒՂԱՊԵՏ. «ԻՆՉՊԵՍ ՈՐ ԻՐԵՆՔ ԴԻՐՔԵՐՆ ԱՌԱՋ ԷԻՆ ԲԵՐԵԼ, ԱՅԴՊԵՍ ԷԼ՝ ՄՆՈՒՄ ԵՆ»

Մեր նախորդ հրապարակումներում, անդրադառնալով Նախիջեւանի հատվածում հակառակորդի ակտիվացմանը, Արենի գյուղի գյուղապետ Հուսիկ Սահակյանը մասնավորապես ասել էր. «Այն, որ թշնամին ակնհայտ ակտիվացել Է Նախիջեւանի շրջանում, ցավոք, այդպես է: Դիրքերը առաջ է բերում: Թե ինչպիսին է իրավիճակը իրականում, հիմա չեմ ցանկանա հեռախոսով ասել: Ամեն դեպքում, խուճապ այս պահին չկա: Այսպես ասեմ` այնպես չի, որ անհանգստանալու բան չկա, բայց այնպես էլ չի, որ հանգիստ է»: Իսկ ահա նախօրեին ՀՀ ՊՆ-ն բլոգերներ, լրագրողներ էր տարել Նախիջեւանի սահմանի մոտ` ցույց տալով, որ մասնավորապես այդքան աղմուկ հանած Գյուննութ գյուղի հատվածում հակառակորդի էական առաջխաղացում չկա: Թեեւ Գյուննութը նկատելիորեն հեռու է Արենիից, այնուամենայնիվ՝ Արենիի համայնքապետ ՀՈՒՍԻԿ ՍԱՀԱԿՅԱՆԻՑ փորձեցինք հետաքրքրվել գյուղի շուրջ ներկա իրավիճակի վերաբերյալ.

- Կրակոցներ լինում են, բայց ոչ տեւական ժամանակով: Ինչպես որ իրենք դիրքերն առաջ էին բերել, այդպես էլ՝ մնում են, դա մտահոգիչ է:

- Ինչքա՞ն են մոտեցել գյուղին:

- Մեր գյուղից հեռադիտակով կարելի է տեսնել մոտ 2-3 կիլոմետր հեռավորության վրա գտնվող Կըզըլկայա սարի վրա գտնվող ադրբեջանական նոր դիրքը: Տեսեք, այդ առաջ եկած դիրքը, թեեւ ԽՍՀՄ-ի օրոք Նախիջեւանի տարածք էր, սակայն այսքան տարի համարվում էր չեզոք գոտի: Նախկինում իրենք անգամ քայլ դեպի առաջ չէին անում, իսկ հիմա բավականաչափ առաջ են եկել այդ չեզոք տարածքում: Ու հենց դիրքավորվելուց հետո սկսել են պարբերաբար կրակոցներ արձակել: Այս պահին նրանք մեր գյուղից 2-3 կիլոմետր հեռավորության վրա են դիրքավորված, բա էդ մտահոգվելու բան չի՞:

ԻԼՈՆԱ ԱԶԱՐՅԱՆ

Այս թեմայով «Ապագա կա» ասողները կործանել են երկրի ապագան. Աղվան Վարդանյան Մի վախեցիր, այլ պայքարիր. Տեր Դերենիկ աբեղա Սահակյան Առավոտյան պատգամավորները կուղղեկցեն Սամվել Վարդանյանին Երեւանի քննչական տեղափոխող մեքենային Ցավալի է, որ գիտնականի կողմից հնչեցված խոսքը փաստերի խեղաթյուրում է պարունակում. Տեր Մովսես Գալուստ Սահակյանն այսօր կդառնար 76 տարեկան