ԵԱՏՄ-ի մայիսի 8-ի նիստին Հայաստանի մասնակցության հարցը քննարկվում է․ Փաշինյան

Մայիսի 8-ին Մոսկվայում ԵԱՏՄ նիստին մասնակցելու որոշում դեռ չունենք:

«Մայիսի 8-ի ԵԱՏՄ նիստի մասնակցությունը քննարկում ենք, երբ որոշում կլինի, այդ որոշման վերաբերյալ լրացուցիչ կհայտարարվի»,- ասաց նա։

Փաշինյանը նաև անդրադարձավ սահմանազատման գործընթացին և նշեց, որ ընդդիմությունը մի քանի անգամ հարցրել է՝ գիտե՞մ թե որտեղով է անցնում հայկական սահմանը, ես սկզբնական շրջանում վստահ չեմ ասել, իսկ ավելի ուշ ասել եմ՝ այո ես գիտեմ՝ որտեղով է անցնում ՀՀ սահմանը։

«Մենք գնացել ենք բոլոր իրավական նշանակություն ունեցող փաստաթղթերը դուրս ենք բերել և դե յուրե սահմանը արտահայտել ենք մեր քարտեզի վրա։ Հիմա Ադրբեջանի հետ պետք է փորձենք տեսնել՝ այդ քարտեզները համընկնո՞ւմ են, թե՞ չեն համընկնում։ Հիմա մի գաղտնիք ասեմ ձեզ՝ դե յուրե նշանակություն ունեցող քարտեզները չեն կարող չհամընկնել, որովհետև Խորհրդային ժամանակ դա երկկողմանի աշխատանքով է եղել։ Մեր ընկալումը հիմա այն է, որ մենք գնում ենք այդ քարտեզները վերցնում ենք ու գետնի վրա դնում»,- ասաց նա։

Փաշինյանն ընդգծեց՝ իրենք գնում են այս ճանապարհով և դեմ չեն այդ գործընթացը սկսել Տավուշի մարզի Բաղանիս, Ղազախի շրջանի Բաղանիս-Այրում, Տավուշի մարզի Ոսկեպար, Ղազախի Աշաղլաժ-Ասկիպարա,Տավուշի մարզի Կիրանց, Ղազախի շրջանի Խեյրեմլի, Տավուշի մարզի Բերքաբեր, Ղազախի շրջանի Կըզլհաջլի գյուղերի հատվածում կամ ամբողջական կամ հատվածական։

«Ինչի հատվածական կամ ամբողջական, որովհետև այնտեղ կան լրացուցիչ խնդիրներ որոնք Ադրբեջանն էլ, մենք էլ ունենք ենթակառուցվածքներ և այլն փորձելով այնպես անել, որ հնարավորինս ապահովվի տրամաբանությունն ու բնականոն կյանքը»,- շեշտեց նա։

Իսկ արդյոք անվտանգության առումով, մենք ստանում ենք որևէ բան, նա ասաց․

«Այո, մենք ստանում ենք շատ կարևոր բան, մենք ստանում ենք դելիմիտացված սահման, ցավոք ամբողջ սահմանը միանգամից, մեկ կամ երեք ամսում չենք կարող անել, որևէ տեղից պետք է սկսենք և պատրաստ ենք սկսել Տավուշից՝ հաշվի առնելով տարածաշրջանում կայունությունը պահպանելու տեսակետից»։