Հայ երկրաբանների մի քանի սերունդ անուրանալի ավանդ է ունեցել․ այսօր Երկրաբանի մասնագիտական տոնն է

Հայաստանի հանքագործների եւ մետալուրգների միության նախագահ Վարդան Ջհանյանը շնորհավորական ուղերձ է հղել Երկրաբանի մասնագիտական տոնի առթիվ:

«Սիրելի երկրաբաններ, Հայաստանի հանքագործների եւ մետալուրգների միության եւ անձամբ իմ անունից սրտանց շնորհավորում եմ այս կարեւոր մասնագիտական օրվա կապակցությամբ: Անցյալում շատերիս երազած ուժեղ, զարգացած եւ անկախ Հայաստան ունենալու երազանքի իրականացումն ասոցացվել է օրնիբուն աշխատելու, այդ թվում նաեւ երկրաբանի ազնիվ ու քրտնաջան աշխատանքի հետ: Հայ երկրաբանների մի քանի սերունդներ իրենց անուրանալի ավանդն են ունեցել օգտակար հանածոների ուսումնասիրության, արդյունահանման ու Հայաստանի արդյունաբերության զարգացման դժվարին գործում, հայտնաբերել են խոշոր հանքավայրեր, որոնք մինչեւ այսօր հազարավոր ընտանիքների ապահովում են արժանապատիվ աշխատանքով եւ երկրի տնտեսության համար կայուն հիմք են հանդիսանում: Վստահ եմ, մեր երկրի տնտեսության զարգացմանն ու հզորացմանը միտված բազում ծրագրերի ամենաարագ ու արդյունավետ իրականացումներն անմիջականորեն կապված են հանքարդյունաբերության եւ, հատկապես, «կանաչ տնտեսության» անցմամբ պայմանավորված կրիտիկական մետաղների աճող պահանջարկի հետ: Դրա համար մեզնից յուրաքանչյուրից պահանջվում է նվիրվածություն եւ համախմբած ամենօրյա աշխատանք, որի ներուժն ու պատրաստակամությունն այսօր մենք տեսնում ենք ակադեմիական հանրության շրջանում։ Կրկին անգամ շնորհավորում եմ «Երկրաբանի օրվա» առթիվ եւ մաղթում՝ ծրագրերի իրականացում, նոր հաջողություններ, բեղմնավոր եւ արդյունավետ աշխատանք», - ԵՊՀ-ում տեղի ունեցած՝ երկրաբաններին նվիրված միջոցառմանը Վ. Ջհանյանի ուղերձն ընթերցել է Հայաստանի հանքագործների և մետալուրգների միության տնօրեն Վոլոդյա Կիրակոսյանը։

Այս թեմայով Կամո Ունանյանի հերթական սպորտային հաղթանակը Գերմանիայում Հայկական պարը սփյուռքում միջոց է՝ հայ երիտասարդներին համախմբելու. Ֆելիքս Գրիգորյան Պատահակա՞ն է, որ ՆԱՏՕ-ի հետախուզական կառույցների ներկայացուցիչները Հայաստանում են. Հայկ Նահապետյան Ի՞նչ հպարտ քաղաքացու տոն, մենք Հայրենիք ենք կորցնում. Արթուր Վարդանյան Հայաստանը պետական դավաճանությամբ Ադրբեջանի առաջ ծնկի են բերում