Մեծ պրեմիերա՝ «Ուրիշ» թատրոնում
Դեկտեմբերի 20-ին` Երեւանի տարածաշրջանային N1 պետական քոլեջի «Ուրիշ» ուսանողական թատրոնում տեղի ունեցավ թատերարվեստի ոլորտում նախադեպը չունեցող «Փարիզի Աստվածամոր Տաճարը» մյուզիքլի առաջնախաղը։
Հայկական ստեղծարար` բեմադրա-երաժշտական միտքն անդրադարձ կատարեց Վիկտոր Հյուգոյի «Փարիզի Աստվածամոր Տաճարը»` ֆրանսերենով գրված առաջին պատմավեպին, վերածելով այն մյուզիքլի։
Բեմադրող ռեժիսորը Արտյոմ Ավետիսյանն է, որը վեպը վերածել է ներկայացման հիմքում ընկած պիեսի, իսկ երաժշտության եւ գործիքավորման հեղինակը` կոմպոզիտոր Վահե Հայրապետյանն է։
Ներկայացման առաջնախաղին ներկա գտնվեցին ՀՀ Կրթության, գիտության, մշակույթի եւ սպորտի փոխախարար Դանիել Դանիելյանը, Երեւանի թատրոնի եւ կինոյի ինստիտուտի ռեկտոր Սառա Նալբանդյանը, թատերարվեստի ոլորտի ներկայացուցիչներ, որոնք ավարտից հետո հայտնեցին իրենց գոհունակությունն ու քննարկում ունեցան ներկայացման դերասանների (քոլեջի արվեստի մասնագիտությունների ամբիոնի ուսանողների) հետ, կիսվելով իրենց մասնագիտական փորձով ու գիտելիքով։
«Փարիզի Աստվածամոր Տաճարը» մյուզիլքն իր պատավավոր տեղը զբաղեցրեց թատրոնի խաղացանկում։ Թատրոնի տնօրենությունը ընդգծում է, որ մուտքն ազատ է ու կոչ է անում կրթական ոլորտի ներկայացուցիչներին` մանկավարժներին, խմբային այցեր կազմակերպել ներկայացումը դիտելու համար։