Ամեն մարդ իրավունք չունի գրիչը ձեռքը վերցնել եվ մեր պատմությունը խեղաթյուրել. ԱՇՈՒՂ ԱԼՄԱՍՏ

Պատմաբանները, մշակութային գործիչներն ահազանգում են 7-րդ դասարանի «Հայոց պատմության» նոր դասագրքում առկա անճշտությունների մասին: «Իրավունքի» հետ զրույցում «Ալմաստ» մշակութային կենտրոնի տնօրեն, ազատամարտիկ ԱՇՈՒՂ ԱԼՄԱՍՏՆ ասաց, որ շատ բացասական է տրամադրված այդ գրքի տարածմանը, քանզի այնտեղ կան ոչ ճիշտ մեկնաբանություններ, որտեղ ավելի շատ վտանգ կա, քան այսօրվա վտանգավոր իրավիճակն է, որում ապրում ենք:

— Ամեն մարդ իրավունք չունի գրիչը ձեռքը վերցնել եւ մեր պատմությունը խեղաթյուրել: Այսօր ունենք պատմաբաններ, որոնք մեր պատմությունից շատ հեռու են: Չգիտեն` ով ենք մենք, որտեղից ենք եկել, որն է մեր բնօրրանը, եւ սկսում են խեղաթյուրել մեր պատմությունը: Կխնդրեի, որ նմանատիպ մարդիկ մաքրվեն մեր պատմական էջերից: Թող գոնե կարդան Րաֆֆու «Սամվելը», Դերենիկ Դեմիրճյանի «Վարդանանքը», Սերո Խանզադյանի «Մխիթար Սպարապետը», բացի այն, որ գիտելիքներ կստանան, նաեւ կտեսնեն, թե դավաճաններն ինչ ավարտ են ունենում: Եվ թող մի քիչ ուղեղները լարեն ու հասկանան, թե իրենք ում են փառաբանում: Փառաբանում են թուրքերի՞ն, քավ լիցի, թող գնան թուրքերի հետ ապրեն: Ազգովին պետք է դեմ կանգնենք հակահայկական մտածելակերպին: Մենք հայրենիք չունենք թուրքերին տալու: Ավելին` ունենք թուրքերից վերցնելու մի ամբողջ հզոր հայրենիք, որն այսօր իրենց ձեռքում է:

— Ինչպե՞ս կարող է Տիգրան Մեծի ժամանակ քարտեզի վրա լինել Թուրքիա, առավել եւս՝ Ադրբեջան։ Մի՞թե նման «փաստերով» է սերունդ կրթվելու:

— Ադրբեջան ընդհանրապես չի եղել: Մեր պատմաբանն ինչպե՞ս չգիտի, որ «ազերբեջան» բառը «ազեր» եւ «բայջան» բառերից է ստեղծվել: «Ազեր» նշանաում է եղբայր, «բայջան»` կեղտոտ: Այսինքն` կոչվում է «կեղտոտ եղբայր»: Եվ այդ կեղտոտ եղբայրներին բերել այսօր ազգ են դարձրել: Այսօր, չգիտես ինչու, նաեւ խոսում են թուրքի հետ բարեկամություն անելու մասին: Այն թուրքը, որը ազգս է հոշոտել, զավակս մորթել, բնօրրանս այրել, ինչպե՞ս կարող է լինել իմ բարեկամը...

ՆՈՒՆԵ ԶԱՔԱՐՅԱՆ

Այս թեմայով «Գժանոցից եկել, թագի է արժանացել ու մեր  տունն  է քանդում». ԱՇՈՒՂ ԱԼՄԱՍՏ Հայրենիքի մասին աթոռին նստած չեն խոսում, այլ լինում են սահմանին. ԱՇՈՒՂ ԱԼՄԱՍՏ Քաղաքացի դատավո՛ր, ի՞նչ է՝ թուրքի կրակի վրա բենզի՞ն եք լցնելու. աշուղ Ալմաստ «Հասել է պահը Արագա՞ծը տալու».ԱՇՈՒՂ ԱԼՄԱՍՏ Հասել է պահը Արագա՞ծը տալու. ԱՇՈՒՂ ԱԼՄԱՍՏ