Սնուփ Դոգը հայտնել է, որ հրաժարվում է մարիխուանայից. Տեսանյութ

Սնուփ Դոգն ասում է, որ երկար տարիներ մարիխուանա օգտագործելուց հետո «թողում է ծխելը»:

52-ամյա ռեփերը, որը հայտնի է իր թմրամոլությամբ, երկրպագուներին ասել է, որ երկար մտածելուց եւ ընտանիքի հետ զրուցելուց հետո որոշել է թողնել ծխելը։ «Խնդրում եմ այս պահին հարգել իմ գաղտնիությունը»,-X-ի իր միկրոբլոգում գրել է Սնուփը:

Անհասկանալի է, թե որքանով է անկեղծ այս խոստումը, կամ արդյոք դա նրա կանեփի ընկերության՝ Leafs By Snoop-ի համար մշակված մարքեթինգային արշավի մասն է:

Ռեփերը մարիխուանայի օգտագործման կողմնակից էր դեռեւս ԱՄՆ-ում այն ​​օրինականացնելուց առաջ: Սնուփի հայրենի Կալիֆորնիա նահանգն առաջինն էր, որ օրինականացրեց այն՝ բժշկական օգտագործման համար:

Leafs By Snoop ընկերությունը, որը նա հիմնադրել է 2015 թ-ին՝ Դենվերում, մասնագիտացած է կանեփի սեփական տեսակների, խտանյութերի, ծաղիկների եւ ուտելի ապրանքների արտադրության մեջ:

Սնուփն իր կենդանի ելույթների ժամանակ հաճախ բեմում ծխում էր։