Զանգվածային գիտակցությունն առ այն, որ այսօրվա իրավիճակը կործանարար է, կա. Միքայելյան

«Կովկաս» ինստիտուտի ավագ գիտաշխատող, քաղաքագետ ՀՐԱՆՏ ՄԻՔԱՅԵԼՅԱՆԻ կարծիքով` այսօր բանակցային սեղանի վրա արդեն դրված է ադրբեջանական համայնքների, այսպես կոչված, վերստեղծման հարցը ՀՀ-ում, այդ թվում` ուժային զուգորդմամբ, որպեսզի Ադրբեջանի ուժայինները ներկա լինեն Հայաստանի տարածքում: Այսպիսով, ըստ քաղաքագետի, մտածել, որ Արցախով կարելի է «պրծնել» սխալ է:

— Կա կարծիք, թե` եթե զանգվածային ընդվզումներ չկան, ապա ժողովուրդն ամեն ինչ ընդունում է, իրականում այդպես չէ, քանի որ ավելի շուտ առաջարկն է ծնում պահանջարկ, քան` հակառակը: 2018 թվականից մեր երկրում ստեղծվեց անձի պաշտամունք Նիկոլ Փաշինյանի նկատմամբ, եւ շատերին թվում է, թե դա օրգանիկ գործընթաց է, սակայն դա կառավարվում էր անձամբ Նիկոլ Փաշինյանի կողմից, նույնը Ստալինն է արել: Ցանկացած քաղաքական կամ սոցիալական գործընթաց միշտ ինչ-որ կառավարում է պահանջում, նույնը վերաբերում է հայկական իրավունքների վերականգնման գործընթացին, դա աբստրակտ գործընթաց չէ, այլ կոնկրետ գործողություն է: Հիշեցնեմ Հանրապետական ինստիտուտի հարցումները, որոնք փաստում են` մարդկանց մեծամասնությունը կարծում է, որ այս իշխանության քաղաքականությունը Արցախի վերաբերյալ ճիշտ չէ: Այդ վերջին հարցումներից մեկում տրվել են հարցեր, թե ինչ ձեռքբերումներ եւ կորուստներ ունենք այս իշխանության ներքո, 43 տոկոսն ասել է, որ չկա որեւէ ձեռքբերում, 21 տոկոսը չի կարողացել որեւէ ձեռքբերում նշել, եւ միայն 6 տոկոսն է ասել, որ կորուստ չկա: Սա լավագույն ցուցիչն է, թե իրականում ինչ տրամադրություններ կան: Այսինքն` զանգվածային գիտակցությունն առ այն, որ այսօրվա իրավիճակը կործանարար է, կա: Բայց դա պետք է գործողության վերածվի: Մարդկանց մոտ կա սպասելիք, որ գործընթացը, որի մեջ իրենք կարող են ներգրավվել, չի լինելու մարգինալ եւ չի լինելու էքսկլյուզիվ, այլ լինելու է ինկլյուզիվ, այսինքն` այն բաց է լինելու բոլորի ներգրավվածության համար: Իշխանության դեմ գործընթացը պետք է լինի ոչ թե ներքին քաղաքական պայքարի շրջանակում, այլ` Արցախի հարցով:

ՀՐԱՆՏ ՍԱՐԱՖՅԱՆ

Այս թեմայով Հրատապ. հավաքվում ենք Կառավարության շենքի մոտ` աջակցելու կիրանցիներին. «Կամք» Հայաստանը պետական դավաճանությամբ Ադրբեջանի առաջ ծնկի են բերում Այսօր, դժբախտաբար, մեր ներսից ենք ստանում հարվածները. Լոքմագյոզյան Վախեցնում է, թե չտանք պատերազմ կլինի, բայց որ տանք` ավելի ուժեղ պատերազմ է լինելու. Բագրատյան Ոնց արա՛, եղեռնը դարձավ անհիմն հիշողությո՞ւն. Գեւորգ Պետրոսյան