Միլիարդավոր դրամներ հափշտակած ավտոներկրողի հակաեկեղեցական «արկածները». Տեր Պողոսը փակագծեր է բացում

Օրերս «Հանցանքի հետքով» հաղորդաշարի թողարկումներից մեկում հետաքրքիր բացահայտում արձանագրվեց. ըստ որի՝ «Ավտոներկրողներ եւ ավտոներկրողների միություն» ընկերությունների փաստացի ղեկավար ու սեփականատեր Տիգրան Հովհաննիսյան անունով անձը պետությունից միլիարդավոր դրամներ է հափշտակել խաբեության միջոցով: Անդրադառնալով վերոնշյալին՝ Արարատ գյուղի Սուրբ Հակոբ եկեղեցու հոգեւոր հովիվ Արժանապատիվ ՏԵՐ ՊՈՂՈՍ քահանա ՄԻՔԱՅԵԼՅԱՆՆ առավել ուշագրավ մանրամասներ է ներկայացնում:

«Պարզվում է նաեւ, որ սույն անձը 2018 թ. Հայոց Եկեղեցու դեմ նախաձեռնված «Նոր Հայաստան, նոր հայրապետ» տխրահռչակ շարժման աչքի ընկնող ներկայացուցիչներից էր, որը Երեւանի Սուրբ Աննա եկեղեցու բակում հանիրավի եւ անհիմն զրպարտանքներ էր հնչեցնում Մայր Աթոռ Սուրբ Էջմիածնի հասցեին՝ հանրությանը ներկայանալով իբրեւ ազգի եւ եկեղեցու ապագայով մտահոգ մեկը: Երեսպաշտության խորքը չափելու համար կարող եք լսել այս «ազգասեր հավատացյալի» ելույթը… Զուգադիպություն չէ բնավ, որ պետությանը խաբեության միջոցով ահռելի վնաս հասցրած մեկը պիտի հայտնվեր հակաեկեղեցական շարժման առանցքում կամ թե իր սնամեջ քննադատությամբ անցնող-դարձողին հորդորեր միանալ Հայոց Եկեղեցու դեմ սանձազերծված դարի մեծագույն ապազգային դավադրությանը:

Այո, Հայոց Եկեղեցու հավատացյալ ձեւացող Տիգրան Հովհաննիսյանը, որ հավանաբար ամեն հաջողված խաբեության առիթով ի նշան շնորհակալության մի մոմ է վառել եկեղեցում, կամ մի քանի հարյուր դրամ ողորմություն շռայլել փողոցում կանգնած մուրացկանին, որ այս անգամ էլ չբռնվեց, որ Ամենակարող Տերն ընդունելի է համարում հարստանալու իր ցանկությունը, ամենայն հավանականությամբ լուրջ չէր ընդունել Ղուկասի Ավետարանում հանդիպող Հիսուսի այն խոսքերը, թե «Նախ դուք ձեզ զգույշ պահեցեք փարիսեցիների խմորից, որ կեղծավորությունն է, որովհետև չկա ծածուկ բան, որ չհայտնվի, և գաղտնի բան, որ չիմացվի, քանի որ ինչ որ խավարի մեջ ասեք, լսելի պիտի լինի լույսի մեջ. և ինչ որ շտեմարաններում փսփսաք ականջների մեջ, պիտի քարոզվի տանիքների վրա» (Ղուկ․ 12։1-3): Եթե, իհարկե, Հովհաննիսյանը երբեւէ իր կյանքում նեղություն է քաշել բացել Սուրբ Գիրքը:

Պետությանն ավելի քան մեկ տասնյակ միլիարդի վնաս հասցրած Տիգրան «բարեպաշտը», ով խորապես ըմբռնել էր Բենջամին Ֆրանկլինին վերագրվող «ժամանակը փող է» թեւավոր խոսքի նրբին իմաստները, բնականաբար, իր թանկ ժամանակը հենց այնպես չէր վատնի հակաեկեղեցական ցույցերում, եթե…Այո, ակամայից «երեսուն արծաթի» պատմությունն են հիշեցնում այս անձնավորության «անհավանական արկածները» Նոր Հայաստանում: Պարտության ամենակործանարար տեսակն ազգի պառակտումն է: Այս իմաստով մեր պարտության սկիզբը դրվեց այն պահից ի վեր, երբ ազգադավ տիգրանհովհաննիսյանները ժամանակին չկանչվեցին պատասխանատվության, երբ համարժեք ձեւով պատկան մարմինները չանդրադարձան մեր պետականության կարեւորագույն խորհրդանիշ հանդիսացող Հայոց Եկեղեցու դեմ թույլատրված անարդար այդ արշավին: Եվ իրոք, ինչպե՞ս հայ մարդը կարող էր քար նետել Հայոց Եկեղեցու կողմը: Այն եկեղեցու, որի շնորհիվ այսօր գոյություն ունենք իբրեւ ազգ եւ շարունակում ենք պայքարել մեր լինելության համար՝ հակառակ բոլոր տեսակի փորձությունների: Հայ մարդը երբեք չի անի նման բան, ով-ով, բայց ոչ հայը…

Մենք երբեք չենք դառնա ուժեղ ազգ քանի դեռ տիգրանհովհանիսյանականությունը չենք թոթափել մեզանից, քանի դեռ հրաժարվելով չենք հրաժարվել նրա տեսակին հատուկ բոլոր խաբեություններից, դավերից, նրա խորհուրդներից, նրա ճամփաներից, նրա չար կամքից և նրա ողջ չար զորությունից…Վստահ եմ, որ ժամանակի ընթացքում բացահայտվելու են Հայոց Եկեղեցու, որ նույնն է, թե հայ ազգի, հայ երկրի ու պետականության դեմ մեղանչած բոլոր մյուս կեղծավորների դեմքերը, ովքեր ծածուկ կամ հայտնի կերպով աջակցել են հակաեկեղեցական այդ շարժմանը: Նաեւ նրանց դեմքերը, ովքեր արտաքինից քննադատում էին, բայց ներքուստ շարունակում խարխլել հայ ինքնության միջնաբերդը՝ Հայոց Եկեղեցին», - ընդգծել է Տեր Պողոսը:

Այս թեմայով Պատահակա՞ն է, որ ՆԱՏՕ-ի հետախուզական կառույցների ներկայացուցիչները Հայաստանում են. Հայկ Նահապետյան Համահայկական սգո օրը Երեւանում տեղի ունեցան երկու «աննախադեպ», «հոգեցնցող» երեւույթ. Ալլա Հակոբյան Մենք իրավունք չունենք երկմտելու, կասկածելու, հետ կանգնելու մեր նպատակներից. Տ. Գաբրիել քահանա Վարդանյան Ով է փորձում խլել Հայաստանի փոքրիկ երգիչների շենքը. Փակագծեր է բացում Տիգրան Հեքեքյանը Երեւանի սիրտը պետք է լցվի ժողովրդով, ամեն գնով սրանց պետք է հեռացնենք. Մարգարիտ Եսայան