Որոնք են թրոմբոզի զարգացմանը նպաստող հիմնական գործոնները
Հասարակություն
Թրոմբոզի զարգացման վտանգն առավել բարձր է տարատեսակ քրոնիկ հիվանդություններով մարդկանց մոտ։ Այս մասին Lenta.ru-ի հետ զրույցում ասել է Եվրոպական բժշկական կենտրոնի սրտաբան Թերենս Լիոնել Լեպադա Կիկին՝ ներկայացնելով թրոմբոզի զարգացմանը նպաստող հիմնական գործոնները։
Մասնագետի խոսքով՝ այս հիվանդության զարգացման հավանականությունը բարձրանում է նաև ծանր վիրահատական միջամտությունների և ողնաշարի կամ կոնքի վնասվածքների դեպքում, որոնք ենթադրում են անկողնային ռեժիմ։ Բանն այն է, որ նման դեպքերում խանգարվում է արյան հոսքը, ինչն էլ հանգեցնում է թրոմբների զարգացման։
«Հենց այս պատճառով էլ թրոմբների առաջացման վտանգը բարձր է այն մարդկանց մոտ, որոնք երկար ժամանակ են անցկացնում ճանապարհներին։ Երկարատև ուղևորությունների կամ ավիաթռիչքների ժամանակ ակտիվությունը զգալի սահմանափակ է լինում ինչի հետևանքով ստեղծվում են պայմաններ, որոնց դեպքում խորանիստ երակներում արյունը լճանում է։ Այս վտանգը կարող է զգալի նվազել ճանապարհորդությունների ժամանակ հատուկ կոմպրեսիոն գուլպաներ կրելու դեպքում», - նշել է բժիշկը։
Նրա խոսքով՝ ավելորդ քաշն ու ճարպակալումը ևս կարող են բացասաբար անդրադառնալ անոթների ընդհանուր վիճակի վրա։ Բացի այդ, թրոմբների զարգացման վտանգը կարող է բարձրանալ նաև շաքարային դիաբետի դեպքում։
1
485 դիտում
2
479 դիտում
3
423 դիտում
4
363 դիտում
5
340 դիտում
1
2582 դիտում
2
2428 դիտում
3
1629 դիտում
4
1345 դիտում
5
1273 դիտում
1
3021 դիտում
4
1729 դիտում
