Ամուսնացել են թուրք երիտասարդն ու հայուհին. դա եղել է փեսայի տատի պատգամը

Թուրքիայի երիտասարդ քաղաքացի Ալի Յալչինկայանն ամուսնացել է հայուհի Իզաբելայի հետ։ Հարսանեկան արարողությունը տեղի է ունեցել Դոնի Ռոստովի հնագույն հայկական եկեղեցում :

Այս մասին տեղեկացրել է  լրագրող, «Անտիտոպոր ինֆո» հարթակի հիմնադիր Վադիմ Հարությունովը։

«Այսօր մեզ մոտ ուրախալի իրադարձություն է։ Սանիկս՝ Ալի Յալչինկայան, ամուսնացավ հայուհու հետ։ Մի քանի րոպե առաջ Դոնի Ռոստովի հնագույն Սուրբ Խաչ եկեղեցում տեղի ունեցավ Ալիի ու Իզաբելայի պսակադրությունը։ Երեկոյան հավաքվում ենք հարսանիքը նշելու», — նորությունը հայտնել է Հարությունովը։

Նա նաև հիշեցրել է Ալիի պատմությունը, որի տատը 1915 թվականից Ցեղասպանությունից փրկված հայուհի է եղել։

«Մի քանի տարի առաջ ինձ հետ կապ հաստատեց մի երիտասարդ Թուրքիայից։ Նա ասաց, որ իր նախնիները թրքացած հայերն են եղել։ Դեռ ողջ է Անիկ տատը, որը տարիներ շարունակ թաքցրել է իր ծագումը։ Բաց նա չի թաքցրել իր անցյալը թոռներից ու ծոռներից։ Անիկը երազում էր, որ թոռները նորից հայ դառնան։

Նա ասել է, որ Թուրքիայում դեռ շատ են ծպտյալ հայերը», — գրել է լրագրողը։
Հարությունովը պատմել է, որ ինքը հայկական եկեղեցում կնքել է Ալիին․«Ալիին ինձ մոտ հրավիրեցի, եկավ։ Ռուսաստանում բուհ ընդունվեց։ Շուտով մկրտեցինք նրան Հայ առաքելական եկեղեցում, այնտեղ նա Գասպար անունը ստացավ»։
Մի երկու տարի անց Ալին` նույն ինքը Գասպարը, ամուսնացավ հայուհու հետ՝ հետևելով տատի պատգամին։

«Նա չի եկել, արդեն ծեր է։ Բայց օգոստոսի 10-ին հարսանիքը շարունակվելու է Թուրքիայում՝ Ալի-Գասպարի տանը։ Իսկ մեղրամիսը Ալին ու Իզաբելան պատրաստվում են անցկացնել Հայաստանում», — գրել է Հարությունովը։

Նա ավելացրել է․«Իսկ հաջորդը Ալթանն ու Այլան են։ Նրանք քույր ու եղբայր են, իրենց նախնիներն էլ են հայ եղել։ Իսկ դա նշանակում է, որ էլի եմ Թուրքիայի քաղաքացի սանիկներ ունենալու։ Եվ դա լավ է։ Աթաթուրքը մի անգամ թուրքերին ազգանուն տալուց ասել է․«Ne mutlu türküm diyene» («Ինչ երջանկություն է թուրք լինելը»)։ Իսկ ես այլ կերպ կասեմ․«Ne mutlu ermeniyim diyene» («Ինչ երջանկություն է հայ լինելը»)։

Ծպտյալ հայերը ժամանակակից Թուրքիայի տարածքում ապրող արևմտահայերի սերունդներն են, որոնք այս կամ այն պատճառով թաքցնում են իրենց ծագումը։

Հիմնականում բնակվում են պատմական Արևմտյան Հայաստանի տարածքում ու կից շրջաններում։

https://www.facebook.com/groups/1855021701475637/permalink/3147541212223673/?mibextid=urFz0r

Այս թեմայով Մեր թշնամիներն անցել են վերջնական գրոհի. Ալլա Հակոբյան Հայաստանում երկար չենք մնա. ինչ է պատմում Գանձասարի հայտնի Գրիշան Ամուսնացել է Ծովինար Կոստանյանը. նրա երջանկության տոնը կայացավ «Ապրելով Թուրքիայում` մեծացել եմ Հայ Առաքելական եկեղեցու պատգամներով».ՍԻԲԻԼ «Պատերազմը չի վերջացել` յուրաքանչյուրս հայոց սահմանին կանգնած զինվորի հոգեբանությամբ պետք է ապրենք».ՆԱՆԵ