Sensor-ը ներկայացնում է գեղարվեստական ծրագրի մասնակիցներին

Sensor երաժշտության եւ ժամանակակից արվեստի միջազգային փառատոնը, որը կանցկացվի սեպտեմբերի 10-ից 12-ը, ներկայացնում է գեղարվեստական ծրագրի մասնակիցներին, ովքեր կներկայանան Հայաստանի լեռներում՝ Երեւանից 40 կիլոմետր հեռավորության վրա գտնվող Հերունու աստղադիտարանի տարածքում անցկացվելիք փառատոնին:

Ավստրիացի մեդիաարտիստ Պիտեր Կուտինը, իտալացի Ֆրանչեսկո Տոսինին, լեգենդար ավստրալական The Necks-ի թմբկահար-կատարող Թոնի Բաքը եւ Sila Sveta ստուդիան Sensor-ի շրջանակում կլուսավորեն Արագած լեռան լանջերը։ Sila Sveta-ն ինստալացիա է պատրաստում աստղադիտարանի կենտրոնական օբյեկտի՝ 80-ականների սկզբին տիեզերական հետազոտական ծրագրի շրջանակներում կառուցված հսկա 54 մետրանոց ռադիոաստղադիտակի շուրջ: Վիեննայից նկարիչ, բազմաժանր վիզուալ արտիստ Պիտեր Կուտինը կներկայացնի Prix Ars Electronica արվեստի փառատոնում մրցանակի արժանացած օբյեկտը՝ Torso կինետիկ աուդիո-վիզուալ քանդակը: Ֆրանչեսկո Տոսինին կմասնակցի Cielofuturo ինստալացիայով, որի պրեմիերան կայացել է 2022 թվականին Միլանի «Սան Սելսո» բազիլիկայում. աշխատանքը գեներատիվ աուդիո-վիզուալ համակարգ է, որը վերարտադրում է բնության մորֆոգենեզի մի շարք պրոցեսներ:

Երեւանի Art Basis արտ-պլատֆորմը պատրաստում է Control Mode էքսպոզիցիան, որի կուրատորներն են Թերեզա Դավթյանը եւ Լիլիթ Անտոնյանը: Սթրիթ արտի զոնայում կներկայանան Չինաստանից ժամանած նկարիչ DALeast-ը եւ Արտեմ Սետեֆանովը. արտիստները կցուցադրեն գործեր, որոնք ստեղծվել են անմիջապես փառատոնի տարածքում։ Մաշա Բոգորազը միանգամից երկու պրոյեկտ է պատրաստում՝ կոնցեպտուալ ինստալացիա եւ գրոտեսկային կենդանի քանդակների շարք, որոնցով հայտնի է նկարիչը։

Այս թեմայով Թուրքիան առաջացնում է Իսրայելի քմծիծաղը, Ալիեւը խոստովանում՝ շտապում են, քանի դեռ ՀՀ-ն չի ուժեղացել Իրանը կարող է կետային հարված հասցնել Ադրբեջանին. Բաքվում հակաալիեւյան ընդվզման հզոր ալիքն իրական է Տեղի են ունեցել գաղտնի բանակցություններ՝ ԱՄՆ-ի ու Իրանի միջեւ. Թեհրանն ավելի խորամանկ է գործում Բաքուն դառնում է ՆԱՏՕ-ի գլխավոր գործընկերը. անկանխատեսելի հետեւանքներ կլինեն.Բալասանյան Փոփոխություններ են սպասվում. կրակում ենք կարեւոր փամփուշտը՝ չսպասելով Բաքվին. Բալասանյան