Վարչապետի ամբողջ միտքը միայն քաբաբ-խորոված անելն է. Իսրայել Հակոբկոխյան

Հայ խորհրդային նախկին բռնցքամարտիկ, բռնցքամարտի մարզիչ, սպորտի վաստակավոր վարպետ ԻՍՐԱՅԵԼ ՀԱԿՈԲԿՈԽՅԱՆԸ, որը 8 օր հացադուլ էր անում՝ ի պաշտպանություն հայ ավանդական արժեքների, կարծում է, որ Նիկոլ Փաշինյանը հասարակությանը հիպնոսացրել է՝ իր ուսապարկով ու «կեպիով»: Այս մասին լրագրողների հետ հանդիպման ժամանակ նա նշեց հետեւյալը. «Չգիտեմ ճիշտ քայլ էր, թե հիմար, բայց ես դուրս եկա հացադուլի, ու տեսա, որ մեր ազգը կամաց-կամաց արթնանում է նիրհից, բայց իմ ցանկությունն է, որ նորից հայ ազգը համախմբվի, միավորվի ու «կյանքում պատից կախ ոչինչ չտեսած, բայց ճակտից կախ ամեն ինչ տեսած» մարդկանց հեռացնի։ Այնպես էլ ինքնասիրահարված են։ Ես ուզում եմ այսօրվա պաշտպանության նախարարին էլ դիմեմ։ Ես էնպիսի պահ ապրեցի, որ փողոցում քաբաբ-խորոված անողը (նկատի ունի Նիկոլ Փաշինյանին, - հեղինակ) պաշտպանության նախարարին հարցնում է՝ միգուցե մարդիկ շփոթվե՞լ էին, խի՞ քաբաբ-խորոված չհյուրասիրեցիք։ Ու այդ հարցից հետո էլ պաշտպանության նախարարն ուզում էր ինչ-որ բան բացատրել։ Երեւի ինքը չգիտի, որ աշխարհում ամենադժվար բանը անհասկացողին բան բացատրելն է։ Ցավն այն է, որ նա ծառայել է Սեյրան Օհանյանի, Յուրի Խաչատուրովի հետ...: Ինձ թվում էր, որ մի բան պետք է սովորած լիներ։ Բայց չէ, ինքը շատ հանգիստ մեր այսօրվա «հոկտեմբերիկին» փորձում էր բան բացատրել»։

Լեգենդար բռնցքամարտիկը նաեւ շեշտեց. «Ես ո՛չ հռետոր եմ, ո՛չ էլ լավ խոսել գիտեմ, ուղղակի ցանկանում եմ, որ ձեր հարցերը հղեք մեր «տղամարդ» կանանց, որովհետեւ ավելի լավ է «տղամարդ» կին լինես, քան՝ «կին» տղամարդ: Այսօր Նիկոլն ահագին բան ունի մտածելու, ու կարող է Աննայից մի քիչ բան սովորել, բայց, դե, վարչապետի ամբողջ միտքը միայն քաբաբ-խորոված անելն է»։

Այս թեմայով Գալու է հատուցման պահը, վախեցե՛ք Աստծո պատժից. ՀՀ վաստակավոր արտիստ Եկեղեցին ստանձնում է պետականության պահպանման պատվարի դերը. ՀՀ նախկին վարչապետ Հավաք՝ ապրիլի 25-ին, ժամը` 14.00-ին ՀՀ գլխավոր դատախազության շենքի դիմաց Երբ տեսնեմ ինձնից շատ ակնկալողներ կան, լուծումների իմ տարբերակն ասելու եմ. Սերժ Սարգսյան Արցախը տվեցինք, արդյոք Հայաստանը պաշտպանված է. Թագուհի Թովմասյան