Լավրովը գնահատել Է Բելառուսում տեղի ունեցող իրադարձությունները (տեսանյութ)

Ռուսաստանի ԱԳ նախարար Սերգեյ Լավրովը, մեկնաբանելով նախագահական ընտրություններից հետո Բելառուսում ստեղծված իրավիճակը, վստահություն է հայտնել, որ իմաստուն Բելառուս ժողովուրդն ինքը կկարողանա հասկանալ, թե ինչ է կատարվում: «Այն, ինչ տեղի է ունենում Բելառուսում, մեզ շատ է անհանգստացնում, մեզ մտահոգում է ներքին բարդությունները, որոնց հիմա բախվել է Բելառուսը, բելառուս ժողովուրդը, Բելառուսի ղեկավարությունը, որպեսզի միջամտի այդ իրադարձություններին, այդ արտաքին միջամտության գործընթացներին։ Եվ ոչ թե պարզապես միջամտել են, այլ միջամտել՝ բելառուսներին պարտադրելու այն կարգերը, որոնք արտաքին խաղացողները իրենց համար շահեկան են համարում»,- ասել է նախարարը «Ռոսիա-1» հեռուստաալիքի եթերում։

Նախարարի խոսքով՝ ոչ ոք չի թաքցնում, որ «խոսքը գնում է աշխարհաքաղաքականության մասին։ Խոսքը հետխորհրդային տարածքի համար պայքարի մասին է։ Մենք տեսել ենք այդ պայքարը նաև իրավիճակի զարգացման նախորդ փուլերում։ Այն բանից հետո, երբ Խորհրդային Միությունը դադարեց գոյություն ունենալ։ Վերջին օրինակը, իհարկե, Ուկրաինան է»,- հավելել է Լավրովը։

Նա վստահություն է հայտնել, որ բելառուսները, ինչպես եւ Բելառուսի բոլոր ընկերները արտասահմանում, կկարողանան ինքնուրույն գլուխ հանել իրենց գործերից: «Եվ չեն գնա այն մարդկանց մոտ, ում Բելառուսն անհրաժեշտ է բացառապես նրա համար, որպեսզի յուրացնի աշխարհաքաղաքական տարածքը, որպեսզի առաջ մղի հայտնի ապակառուցողական տրամաբանությունը՝ «կամ դուք Ռուսաստանի Դաշնության հետ եք, կամ դուք Եվրոպայի հետ եք» ... Ես համոզված եմ, որ բելառուս ժողովուրդն իր իմաստությամբ ինքը կարող է գլուխ հանել ներկա իրավիճակից․.. Ասվածը չի նշանակում, որ ընտրությունները կատարյալ էին։ Իհարկե՝ ոչ։ Դա շատ վկայություններ ունի։ Դա ճանաչվում է նաեւ Բելառուսի ղեկավարության կողմից, որը փորձում է երկխոսության մեջ մտնել այն քաղաքացիների հետ, որոնք բողոքում են այն բանի դեմ, ինչը նրանք համարում են իրենց իրավունքների խախտում: Ես իշխանությունների կողմից երկխոսության պատրաստակամության պակաս չեմ տեսնում, ես շատ եմ հույս հայտնում, որ նույն պատրաստակամությունը կցուցաբերվի նաեւ նրանց կողմից, ովքեր գոհ չեն այս կամ այն պատճառով ընտրությունների արդյունքներից»,- հայտարարել է Լավրովը։

Այս թեմայով Կապանում հայտնաբերված ադրբեջանցին «լայվ» էր մտել (տեսանյութ) Մշակույթի վաստակավոր գործիչ Վիգեն Ղազարյանը նշում է ծննդյան 80-ամյակը Վայոց Ձորի Շատին գյուղում սողանք է տեղի ունեցել. մոտ 450 խմ հողային զանգված սահել է հարակից ձորը Վահագն Խաչատուրյանն արձագանքում է Եղիսաբեթ 2-րդ-ի՝ վերջին հրաժեշտի արարողությանը տեղի ունեցած միջադեպին Երբեմնի աշխույժ քաղաքը վերածվել է «ուրվականի». կենդանի կադրեր վիրավոր Ջերմուկից.ՏԵՍԱՆՅՈՒԹ