«ԱՐՑԱԽՈՒՄ ՆԱԽԸՆՏՐԱԿԱՆ ԼԱՐՎԱԾՈՒԹՅՈՒՆԸ ՀԱՍԵԼ Է ԳԱԳԱԹՆԱԿԵՏԻՆ»

Չնայած վերջին ամիսներին հայկական լոբբիստական կազմակերպությունների եւ կոնգրեսականների կողմից ձեռնարկված ակտիվ ջանքերին, չհաջողվեց Արցախի համար պահպանել ԱՄՆ կողմից տրամադրվող ուղիղ օգնությունը: Թրամփի վարչակազմը որոշում կայացրեց կրճատել Արցախում իրականացվող ականազերծման ծրագիրը: Այդ առնչությամբ Արցախի Ազգային ժողովի պատգամավոր ՎԱՐԴԳԵՍ ԲԱՂՐՅԱՆՆ այս կարծիքին է. «Տարբեր պատճառներ են բերվում, թե ինչու է ԱՄՆ-ն Արցախին զրկել օգնությունից: Բայց, շատերիս կարծիքով, այս որոշման մեջ խառն է նաեւ Ադրբեջանի մատը: Եվ այս որոշումը պայմանավորված է, ըստ երեւույթին, ավելի շատ քաղաքական ենթատեքստով»:

Ապա մեր զրուցակիցն անդրադարձավ Արցախում տիրող նախընտրական իրավիճակին՝ ասելով. «Արցախումը նախընտրական լարվածությունը հասել է գագաթնակետին, թեեւ արտաքուստ փորձում են այն հնարավորինս թաքցնել: Այս լարվածությունը ինչ-որ տեղ բնական է, որովհետեւ նախընտրական վերջին օրերն են, եւ յուրաքանչյուրը ձգտում է, որպեսզի ավելի շատ քվեներ ստանա: Բայց կոնկրետ ինձ համար անընդունելի միմյանց վրա ցեխ շպրտելը, ժողովուրդը ում կտա իր քվեն էլ, նրան էլ կտա: Տեսնենք, թե ինչպես կընթանան վերջին նախընտրական օրերը: Սպասվում է թեկնածուների միջեւ հեռուստադեբատ: Կարծում եմ, որ դա որոշակի դեր կխաղաղ հատկապես այն արցախցիների մոտ, ովքեր դեռ չեն կողմնորոշվել, թե ում տան իրենց քվեն: Ամեն դեպքում, գտնում եմ, որ թեկնածուները պետք է կոռեկտությունը պահպանեն եւ չմոռանան, որ ընտրություններով կյանքը չի ավարտվում: Հակառակը` ընտրություններից մենք պետք է դուրս գանք ավելի ուժեղացված, ոչ թե՝ պառակտված կամ թշնամացած: Մենք դրա իրավունքը չունենք, որովհետեւ մենք ունենք արտաքին թշնամի` ներքին թշնամի փնտրելու կարիք չկա»:

ԻԼՈՆԱ ԱԶԱՐՅԱՆ

Այս թեմայով Դուք ծիծաղում եք սրանց վրա, մինչդեռ սրանք իրենց սեւ գործն են անում ու ծիծաղում հայ ժողովրդի վրա. Վարդանյան Իմ կոչն ուղղված է սպաներին եւ ծառայողներին, ովքեր գիտեն ինչ է հայրենիքը եւ պատիվը. Արթուր Վարդանյան Բոլորն էլ հասկանում են, թե ի՞նչ է կատարվում՝ դավաճանություն, թշնամություն, խայտառակություն. Հարությունյան Եթե բոլորի բողոքը մեկի նկատմամբ է՝ ի՞նչն է խանգարում կոնսոլիդացվենք եվ այդ մարդուն հեռացնենք. Իսրայելյան Հայաստանը շարունակում է դիվանագիտական պատերազմում տանուլ տալ. Ռուբեն Մելիքյան