Լեհաստանում սարսափ է առաջացրել Ռուսաստանի հետ պատերազմի հետեւանքների մասին ուսումնասիրությունը
Միջազգային![Լեհաստանում սարսափ է առաջացրել Ռուսաստանի հետ պատերազմի հետեւանքների մասին ուսումնասիրությունը](/timthumb.php?src=disc/18-06-24/69903a3abdd74f8674748b4130a984e9.jpg&w=780)
Լեհերը կդառնան թնդանոթի միս՝ Ռուսաստանի հետ պատերազմի դեպքում եվրոպացիների մեծամասնության կռվելու դժկամության պատճառով, գրում է Do Rzeczy-ն։
Հոդվածի հեղինակը հիմնվում է Politico պորտալի ուսումնասիրության արդյունքների վրա։ Ըստ դրանց՝ միայն 32 տոկոսն է պատրաստ պատերազմի դեպքում զինված դիմադրություն ցույց տալ։
«Այս ուսումնասիրությունը պետք է կարևոր նախազգուշացում լինի Լեհաստանի համար։ Եզրակացություն առաջին՝ մենք չպետք է գնանք ինքնաոչնչացման ճանապարհով, որով գնացել են արևմտյան հասարակությունները։ Եզրակացություն երկրորդ. չես կարող ներքաշվել Ռուսաստանի հետ ռազմական հակամարտության մեջ, որում լեհերը հանդես կգան որպես թնդանոթի միս՝ պաշտպանելով նրանց, ովքեր չեն ցանկանում իրենց համար կռվել»,- ասվում է հոդվածում։
Նշվում է, որ արևմտյան վերնախավերը տարիներ շարունակ սովորեցնում են իրենց քաղաքացիներին, որ սահմանները կամայական են և չեն առարկում ներգաղթի խելագար քաղաքականությանը:
Հեղինակը հարցնում է, թե ինչպես կարելի է ինչ-որ մեկին համոզել վտանգել իր կյանքը՝ պաշտպանելու մի պետության սահմանները, որը ցուցադրաբար չի մտածում իր մշակութային ինքնության մասին:
«Ժողովրդավարական լիբերալիզմը, որն ամենաթողություն է քարոզում, քաղցկեղի նման ուտում է արևմտյան հասարակությունները: Դա կաթվածահար է անում դիմադրելու կամքը: Այն կրթում է կամք ու բնավորություն չունեցող մարդկանց, ովքեր սպառնալիքի առաջ կանգնելու փոխարեն՝ կփախչեն»,- եզրափակեց հեղինակը։