Թայվանի անկախությունը կնշանակի պատերազմ. Չինաստանի պաշտպանության նախարարություն
ՄիջազգայինԹայվանի անկախությունը անհամատեղելի է Թայվանի նեղուցում խաղաղության հետ, կղզու անջատումը Չինաստանից կնշանակի պատերազմ:
Այս մասին ճեպազրույցում ասել է ՉԺՀ պաշտպանության նախարարության պաշտոնական ներկայացուցիչ Չժան Սյաոգանգը՝ մեկնաբանելով ԱՄՆ նախագահ Ջո Բայդենի խոսքերը Թայվանում ԱՄՆ զինված ուժերը օգտագործելու հնարավորության մասին։
«Ինչպես լուծել Թայվանի հարցը, դա ավելի քան 1,4 միլիարդ չինացիների խնդիրն է, անընդունելի է: Պետք է նշել, որ Թայվանի անկախությունը անհամատեղելի է Թայվանի նեղուցում խաղաղության հետ, Թայվանի անկախությունը կնշանակի պատերազմ»,- ասել է Չժան Սյաոգանգը։
Նա կոչ է արել ԱՄՆ-ին ճանաչել կղզում անջատողական միտումների վտանգը։ Չժան Սյաոգանգը նշել է, որ Վաշինգտոնը պետք է հարգի իր պարտավորությունները՝ չաջակցել Թայվանի անկախությանը և խուսափել Թայվանի նեղուցում լարվածության սրումից: