Աստծուց տրված իշխանությունը նա պատրաստ է փոխարինել մարդկանց կողմից տրված իշխանությամբ․Աջապահյանը՝ Բագրատ Սրբազանի վարչապետ առաջադրվելու մասին
Թեմա![Աստծուց տրված իշխանությունը նա պատրաստ է փոխարինել մարդկանց կողմից տրված իշխանությամբ․Աջապահյանը՝ Բագրատ Սրբազանի վարչապետ առաջադրվելու մասին](/timthumb.php?src=disc/19-05-24/34395a304c1f3b14f5d50ded5d53a8c1.jpg&w=780)
Բագրատ Սրբազանին մեղադրում են նրա համար, որ ի սկզբանե նա հայտարարել էր, թե սա չակնկալիքների պայքար էր, հիմա հասել է Երևան և ուզում է վարչապետ դառնալ, ինչ է մտածում այս մասին Հայաստանյայց Առաքելական Եկեղեցու Շիրակի թեմի առաջնորդ ՄԻՔԱՅԵԼ արքեպիսկոպոս ԱՋԱՊԱՀՅԱՆԸ․
– Չի ուզում վարչապետ դառնալ, բայց օդում կախված է այդ պահանջը, ու ինքն այդ պահանջի դիմաց, այո՛, պատրաստակամություն է հայտնում, թերևս, եթե Սահմանադրությունը թույլ տա, այդ պահանջին ընդառաջ գնալ։ Ինքը չի ուզում վարչապետ դառնալ, և մեզանից որևէ մեկն էլ չի ուզում, ինքն ասել է, չէ՞, որ ինքն ավելի բարձր պաշտոն է զբաղեցնում, քան վարչապետի պաշտոնն է։ Աստծուց տրված իշխանությունը նա պատրաստ է փոխարինել մարդկանց կողմից տրված իշխանությամբ միայն երկրի հոգսերը հոգալու համար, այլ ոչ թե իր ամբիցիաները բավարարելու համար, սա շատ պարզ է, կարծեմ թե։
– Իսկ շարժման հաջողելու կամ չհաջողելու առնչությամբ ի՞նչ կարծիք ունեք։
– Աղոթում ենք հաջողության համար, մաղթում ենք, որ հաջողի, բայց պետք է հասարակությունը ոտքի կանգնի, որպեսզի շարժումը հաջողի, այլապես մենք ինքնին, ուզում եմ, որ սա պարզ հասկանաք, հանուն Եկեղեցու ինչ-որ շահերի համար չէ, որ ուզում ենք այս փոփոխությունը։ Եթե հասարակության մեջ կա պահանջ, Բագրատ Սրբազանը հայտ ներկայացրել է այդ պահանջը բավարարելու Եկեղեցու ու եկեղեցականի ուժականությամբ, եթե հասարակության մեջ չձևավորվի այդ պահանջը, Եկեղեցին որևէ մեղք չունի, Եկեղեցին իր համար առանձին օրակարգ չունի, ինքն ուզում է սպասարկել հասարակության օրակարգը։