o C     24. 01. 2020   : :

ԿԱՐՃ ԼՈՒՐԵՐ

Նախարարի համար մշակույթի գործչի չափանիշ են այլասերվածություն քարոզողնե՞րը

20.07.2018 22:15 ՕՐՎԱ ՊԱՏԿԵՐ ՄՇԱԿՈՒՅԹ ՀԱՆՐՈՒԹՅՈՒՆ
Նախարարի համար մշակույթի գործչի չափանիշ են այլասերվածություն քարոզողնե՞րը

Երկու ամիս առաջ, երբ ՀՀ մշակույթի նախարար նշանակվեց ոլորտից բացարձակ անտեղյակ Լիլիթ Մակունցը, մշակույթի ոլորտի ներկայացուցիչները մխիթարվեցին` նորանշանակ նախարարը երիտասարդ է ու որեւէ ոլորտի ներկայացուցիչ չէ, որ կենտրոնանա մեկ ուղղության վրա: Սակայն փաստենք, որ այս ընթացքում նախարարը մշակութային ոլորտում լուրջ բարեփոխումներ կամ նույնիսկ հանդիպումներ չի ունեցել ոլորտի ներկայացուցիչների հետ, որպեսզի գոնե տիրապետի իրավիճակին: Ավելին` եղած հանդիպումներն էլ եղել են ընդհանուր եւ վերացական: Փոխարենը` նախարարը շատ ակտիվ հանդիպումներ է ունենում մեր երկրում հավատարմագրված դեսպանների հետ, ըստ երեւույթին, կատարելով արտաքին գործերի նախարարի գործառույթներ: Իսկ այդ հանդիպումների ֆոնին մշակույթի գործիչները շաբաթներով «կոտրում են» նախարարության դռները, իսկ նախարարության հեռախոսները` «տրաքվում» մշակույթի գործիչների զանգերից, որ գոնե գեթ մեկ անգամ նախարարը սթափվի, թե ինքը մշակույթի, այլ ոչ թե արտաքին գործերի նախարար է: Պարզապես թվարկենք մշակույթի 3 ոլորտի խնդիր, որոնց համար նախարար Մակունցը ժամանակ չի գտնում:

Վաղն իր տղան կարող է լաց լինել, իսկ աղջիկը դառնալ մարմնավաճառ. Մանկավարժ

ՄԱԿՈՒՆՑԸ ՉՍԻՐԵՑ ՄՆՋԱԽԱՂԸ

Ահավասիկ, բոլորովին վերջերս Մնջախաղի պետական թատրոնի գեղարվեստական ղեկավար, Լ. Ենգիբարյանի անվան Մնջախաղի փառատոնի հիմնադիր-պրոդյուսեր ԺԻՐԱՅՐ ԴԱԴԱՍՅԱՆԸ շուրջ մեկ ամիս սպասում էր նախարար Լիլիթ Մակունցի հետ հանդիպմանը, որպեսզի քննարկեն փառատոնի անցկացման եւ բյուջեի հետ կապված խնդիրներ: Դադասյանը, նույնիսկ նախապես, որպես պայմանական հանդիպում, թատրոնի բոլոր խնդիրներն ու հարցերը տեղավորել էր 7 րոպեի մեջ ու փորձարկել հանդիպումը, սակայն գրեթե մեկ ամիս նախարարն այդ 7 րոպեն չէր գտնում: Միայն «Իրավունքի» հրապարակումից հետո շատ արագ գտնվեց այդ 7 րոպեն, բայց անօգուտ` Մնջախաղի փառատոնն այս տարի չի կայանա, իսկ թատրոնի ճակատագիրն էլ արդեն անորոշ է:

ՄԻՆԱՍ ԱՎԵՏԻՍՅԱՆԻ ՈՐՄՆԱՆԿԱՐՆԵՐԸ ՓՐԿՈՒԹՅՈՒՆ ԵՆ ԽՆԴՐՈՒՄ, ՆԱԽԱՐԱՐՆ ԱՆՏԵՍՈՒՄ Է

Թեպետ, օրերս Ազգային պատկերասրահում բացվեց Հայ մեծանուն գեղանկարիչ ՄԻՆԱՍ ԱՎԵՏԻՍՅԱՆԻ 90-ամյակին նվիրված ցուցահանդեսը, բայց գեղանկարչի ժառանգներն ահազանգում են` Մինասի որմնանկարները վտանգված են, բայց դա կարծես թե չի հուզում նախարարին, անգամ, երբ դրանք գտնվում են ոչնչացման եզրին: Ժառանգներն ասում են, որ արդեն մեկ ամիս է` դիմել ու սպասում են նախարարի արձագանքին: Ցավալի է, բայց, կարծում ենք, ժառանգները ստիպված կլինեն դեռ երկար սպասել, քանի որ անտեղյակ նախարարի համար այդ հին ու անպետք որմնանկարների համար ոչ գրանտներ կտան, ոչ էլ առավելապես շահույթ կստանան...

«ՀԱՅՖԻԼՄԻ» ԴԵՊՔՈՒՄ ԷԼ ՆԱԽԱՐԱՐԸ ԼՌԱԿՅԱՑ Է

«Հայֆիլմ» վերածնունդ» նախաձեռնությունն արդեն պայքարում «Հայֆիլմի» հին մասնաշենքը պատմության եւ մշակույթի անշարժ հուշարձանների ցուցակում ընդգրկելու համար: Չնայած, որ մի քանի պատմամշակութային շենքեր վերջերս ընդգրկվեցին պատմության եւ մշակույթի անշարժ հուշարձանների ցուցակում` անցնելով պետական հոգածության տակ, նախարարաը խոստացավ, որ այդ ցանկը դեռ կհամալրվի: Իսկ «Հայֆիլմի» դեպքում էլ նախարարը լռակյաց է...

ԻՐԱԿԱՆ ՄՇԱԿՈՒՅԹՈՎ ԱՊՐՈՂՆԵՐԻ ՈՒ ԱՐԱՐՈՂՆԵՐԻ ՀԱՄԱՐ ՄԱԿՈՒՆՑԸ ԺԱՄԱՆԱԿ ՉՈՒՆԻ

Համենայնդեպս, նախարարի հետ հանդիպման սպասող մշակութային գործիչների օրինակները շատ են, սակայն արձանագրենք, որ Մակունցի համար մշակույթի գործիչներ են համարվում մշակույթի միջոցով այլասերվածություն քարոզող անձինք: Փաստ է, որ բացի դեսպաններից, նախարարը վերջին շրջանում ակտիվ հանդիպում է այլասերվածություն, պոռնոգրաֆիա քարոզող «մշակույթի գործիչների» հետ, կամ էլ սիրով ժամանակ տրամադրում` նրանց հետ քննարկումների մասնակցելու: Զօրուգիշեր Հայաստանի պայմաններում իրական մշակույթով ապրողների ու արարողների համար ժամանակ չունեցող նախարարն իրեն շրջապատել է մշակույթի տարբեր ճյուղերում այլասերվածություն քարոզող «մշակույթի գործիչներով»: Օրեր առաջ նախարարության իր գրասենյակում ընդունել էր օտարերկրյա քաղաքացի, ֆիլմերում մերկ նկարահանվելու մեծ փորձ ունեցող, կանադահայ դերասանուհի ԱՐՍԻՆԵ ԽԱՆՋՅԱՆԻՆ, իսկ 2 օր առաջ էլ` հայհոյախառն ու պոռնոպոեզիայի մեծ վարպետ ՎԻՈԼԵՏ ԳՐԻԳՈՐՅԱՆԻ ու սեփական սեռական օրգանից զարմացած ու այն իր նկարներում արտացոլած լոսանջելեսաբնակ նկարիչ-ճարտարապետ ՍԱՄՎԵԼ ՍԱՂԱԹԵԼՅԱՆԻ հետ քննարկում էր արել` «Հեղափոխություն մշակույթով, թե` առանց մշակույթի»:

ՃԱՆԱՉԵՆՔ ԱՐՎԵՍՏ ՊՂԾՈՂՆԵՐԻՆ

Այնուամենայնիվ, թեթեւ անդրադարձ կատարենք, թե ովքեր են այսօր մշակույթի նախարար Լիլիթ Մակունցի շրջապատում.

 Օտարերկրյա քաղաքացի, ֆիլմերում մերկ նկարահանվելու մեծ փորձ ունեցող, կանադահայ դերասանուհի ԱՐՍԻՆԵ ԽԱՆՋՅԱՆԸ, ով իր ամուսնու` կինոռեժիսոր Ատոմ Էգոյանի հետ սիրում է խառնվել հայաստանյան ներքին գործերին եւ թելադրել իշխանությանը` ինչպես կառավարել երկիրը: Հայաստանաքանդությամբ զբաղված դերասանուհին մշտապես ակտիվորեն լծված է եղել հայ ընտանիքի մոդելը քանդելով, հայ կնոջ դիմագիծը աղավաղելով: Հիշեցնենք, որ մշտապես հեղափոխական դերասանուհին ոչ վաղ անցյալում` ՊՊԾ գնդի գրավման ժամանակ, Կանադայից արդեն ծրագրավորած վազելով եկավ Հայաստան, պառկեց ասֆալտներին, ընդհարվեց ոստիկանների հետ, մի քանի ժամով ձերբակալվեց ու այդ ամենը շոուի վերածելով` ասաց, որ ֆիլմ է նկարահանել ու մատ թափ տալով, թե կցուցադրի միջազգային հանրությանը, հեռացավ: Իսկ ֆիլմն էլ մոռացվեց: Ինչեւէ, ամիսներ առաջ էլ իշխանափոխության վերջին ծափերին հասավ Հայաստան, մի լավ լուսանկարվեց, հայտնվեց տեսախցիկների առաջ ու իր առաքելությունը դուխով իրականացրած համարելով` կրկին պոչը քաշեց դեպի Կանադա: Հիմա էլ` որոշել է հայերին սովորեցնել հանդուրժողականություն ու ո՛չ ավել, ո՛չ պակաս հույս է հայտնել, թե տեղի ունեցած իշխանափոխությունից հետո Հայաստանում կլուծվի նաեւ ԼԳԲՏ մարդկանց իրավունքների հարցը: Ըստ նրա` ԼԳԲՏ-ները` համասեռամոլները, ստիպված չեն լինի Հայաստանում թաքցնել իրենց կողմնորոշումը: Ընդ որում` այն մարդկանց, ովքեր ԼԳԲՏ իրավունքների մասին խոսելն օտար ազդեցությունների հետեւանք են համարում, Ա. Խանջյանը տգետ է որակել` վիրավորելով ՀՀ քաղաքացիների առնվազն 98 %-ին: Իսկ, ըստ էության, սրբապղծությունը եւ այլասերումը որակել որպես հարգանք սիրո եւ անկախ ինքնության հանդեպ:

Դե Հենրիկ Իգիթյանին արտաշիրիմեք ու «քրեական ենթամշակույթի» համար դատեք (Տեսանյութ)

Դե, իսկ հայհոյախառն պոեզիայի գիտակ ու գռեհկաբանության տիրուհի ՎԻՈԼԵՏ ԳՐԻԳՈՐՅԱՆԻՆ հանրությունը ճանաչում է «փռիկի, ֆռիկի, ծլիկի ու պլորիկի» մասին բանաստեղծություններ ձոնող: Որպեսզի ընթերցողի համար ամեն ինչ ավելի իրատեսական լինի, նախապես ներողություն խնդրելով, մեջբերենք նրա ստեղծագործությունների բառապաշարից մի հատված.

«Ծլի, ծլի, ծլիկս,

պստըլիկ խլւլիկս,

ձայնազուրկ ու թլիկս,

անլեզու ծլիկս,

գեղագանգուր ցլիկս,

ամենակուլ բկլիկս,

վարդաշրթունք պցիկս,

անլուսամուտ խցիկս...»:

Հաջորդ այլասեռվածություն քարոզող «արվեստագետը» սեփական սեռական օրգանից զարմացած ու այն իր նկարներում արտացոլած լոսանջելեսաբնակ նկարիչ-ճարտարապետ ՍԱՄՎԵԼ ՍԱՂԱԹԵԼՅԱՆՆ է: Դեռեւս 2013 թվականին, երբ բոլոր ցուցասրահները հրաժարվեցին նրա գռեհիկ լուսանկարների ցուցադրության համար, որը նվիրված էր տղամարդու եւ կնոջ  սեռերի միախառնմամբ  տարօրինակ գենդերային կերպարների` տրանսվիստիտների գովաբանելուն, իրենց հարկի տակ տրամադրել տարածք, վերջինս ապաստան գտավ կինոգետ Շահանե Յուզբաշյանի բնակարանում, որտեղ էլ ընդհատակյա կազմակերպեց իր խայտառակ ցուցահանդեսը: Ի դեպ, այս գենդերամոլ ու անդամասեր «արվեստագետից» էլ ընդամենը մի օրինակ բերենք, նրա «Մարմին» աշխատանքների շարքից, որը  պատկերում է ուրվականակերպ ֆալոսների, որոնք սողոսկում են Էջմիածնի Մայր Տաճարի դռներից եւ պատուհաններից:

 

Հ.Գ. Ի դեպ, Լիլիթ Մակունցը մտադիր է նախարարին կամ նախարարությանը կից ստեղծել խորհուրդ, որում ներգրավված կլինեն տարբեր ոլորտների ներկայացուցիչներ: Այդ խորհրդում արդեն նախարարը առաջարկել է Արսինե Խանջյանին, որն էլ հաճույքով ընդունել է առաջարկը: Մեր ունեցած տեղեկություններով` Մակունցը նաեւ վերոնշյալ վայ-արվեստագետներին էլ է ներգրավվել այդ խորհրդում. «Մեր որդեգրած մոտեցման համաձայն` պետք է ստեղծվի նախարարությանը կամ նախարարին կից այնպիսի մի մարմին, որը անկախ նախարարի եւ քաղաքական փոփոխությունից, պետք է հստակ պատկերացում ունենա, թե մշակութային ինչ ռազմավարություն է պետք: Խորհուրդը պետք է հստակ իմանա` ինչ քայլերով առաջ շարժվել»: Արդեն կարելի է ենթադրել, թե վերոնշյալ արվեստագետներն ինչ խորհուրդներ կտան մշակույթից անտեղյակ նախարարին... Վա՜յ քեզ, հայ մշակույթ...

ԼԻԼԻԹ ԵՂԻԱԶԱՐՅԱՆ

 

КОМСОМОЛЬСКАЯ ПРАВДА