o C     09. 04. 2020   : :

ԿԱՐՃ ԼՈՒՐԵՐ

Ի՞նչ է նշանակում «զոհված ադրբեջանցի զինծառայողի մասունքները», պարոն Դավիթ Տոնոյան

20.02.2020 17:05 ՕՐՎԱ ՊԱՏԿԵՐ ՔԱՂԱՔԱԿԱՆ
Ի՞նչ է նշանակում «զոհված ադրբեջանցի զինծառայողի մասունքները», պարոն Դավիթ Տոնոյան

Երեկ ՊՆ պաշտոնական կայքում հրապարակվվել է բառացիորեն հետևյալ հաղորդագրությունը.

Դավիթաշենի ոստիկանության բաժանմունքում ԱԱԾ-ն գործողություն է իրականացրել հարուցված քրեական գործի շրջանակում

«Ս.թ. փետրվարի 19-ին, ադրբեջանական կողմի խնդրանքով, ԵԱՀԿ գործող նախագահի անձնական ներկայացուցիչ Անջեյ Կասպրշիկի միջնորդությամբ և ԿԽՄԿ աջակցությամբ, Մովսես գյուղի հատվածում, ՀՀ ԶՈՒ և Ադրբեջանի ԶՈՒ միջդիրքային տարածքում ադրբեջանական ականազերծման խմբի կողմից իրականացվել են օրեր առաջ անհայտ հանգամանքներում կորած ադրբեջանցի զինծառայողի որոնողական աշխատանքներ:

Աշխատանքների արդյունքում, ադրբեջանական դիրքերից մի քանի մետր հեռավորության վրա հայտնաբերվել և տարհանվել են զոհված ադրբեջանցի զինծառայողի մասունքները (Ընդգծումը մերն է - խմբ.):

Հայկական կողմից թույլատրված գործողության ողջ ընթացքում ադրբեջանական որոնողական խմբի աշխատանքների համար ապահովվել են անվտանգության բոլոր պայմանները»:

 

Ըստ միանգամայն պաշտոնական բառարանի.

մասունք - բացատրություն

մասունքի, [գոյական] 
1. (եկեղեցական) Եկեղեցական սրբերի կմախքի մասեր, որոնք, ըստ կրոնական պատկերացումների,
հրաշագործ զորություն ունեն: 
2. (փոխաբերական) Որևէ նշանավոր՝ թանկագին մարդու աճյուն կամ աճյունի մասեր:
3. (փոխաբերական) Որևէ կարգի հին հուշարձանի մնացորդ:
4. (փոխաբերական) Առհասարակ՝ շատ թանկագին՝ սրբազան բան:

Ի՞նչ է նշանակում «զոհված ադրբեջանցի զինծառայողի մասունքները», պարոն Դավիթ Տոնոյան: Հիմա թշնամու ասկյարի լեշն ի՞նչ է համարվել` սրբազան բա՞ն, ինչ-որ պաշտոնյայի համար այդ ասկյարը նշանավոր, թանկագին մա՞րդ է, թե՞ սուրբ է, որի կմախքի մասերը հրաշագործ են... Ինչպե՞ս սա հասկանալ, գրողը տանի: Այդ ո՞ր մի թավշյա տգետի կամ ներդրված գործակալի մտքով է անցել նման բան զետեղել ՊՆ պաշտոնական կայքում:

Թո՜ւ...

ՀՈՎՀԱՆՆԵՍ ԳԱԼԱՋՅԱՆ

Խայտառակության սքրինշոթը` Արմեն Հակոբյանի ֆեյսբուքյան էջից

 

КОМСОМОЛЬСКАЯ ПРАВДА