«Հրապարակ». ՔՊ-ն կրկին սկսել է հոգեորսությամբ զբաղվել
Մամուլի տեսություն«Հրապարակ» թերթը գրում է. «Վերջին շրջանում իշխանությունները կրկին սկսել են սիրաշահել քաղաքացիներին, տարաբնույթ հանդիպումներ են կազմակերպում, ընդունելություններ անում։ Նիկոլ Փաշինյանի վերջին ուղիղ շփումը քաղաքացիների հետ տեղի է ունեցել Երեւանի ավագանու ընտրությունների քարոզարշավի վերջին օրը, երբ սակավամարդ հանրահավաքի ժամանակ սպառնում էր ասֆալտ ուտեցնել ու բորդյուր լիզել տալ, այսինքն՝ առիթն ընտրություններն էին, քաղաքացիներից քվե էր պահանջվում։
Սպասվելիք հանրաքվեից առաջ ՔՊ-ականները կրկին մարդամոտ են դարձել, օրինակ՝ ՔՊ-ի Քանաքեռ-Զեյթունի Պարույր Սեւակի փողոցում գտնվող գրասենյակի պատերին մեծ ոսկեգույն ցուցանակ է հայտնվել, որի վրա մեծ տառերով գրված է, թե կուսակցության գրասենյակում քաղաքացիների ընդունելություններ են իրականացվում։ Անգամ հեռավոր մարզերում ու համայնքներում են ՔՊ-ականներն ակտիվացել:
Առավել մանրամասն թերթի այսօրվա համարում