«Իսկ ո՞ւր է տարվա մե՛ր եղանակը». ջրաշենցիները բողոքում են

Երեւանի Էրեբունի վարչական շրջանի Ջրաշեն թաղամասում տրանսպորտի խնդիրը դարձել է Հայոց հարց: Ջրաշենցիներն այսպես են մեկնաբանում ստեղծված իրավիճակը:

«Իրավունք»-ին դիմած քաղաքացիները բողոքում են, որ համայնք հասնող միայն մեկ տրանսպորտ կա՝ 38 համարի ավտոբուսը, որը գրեթե չի աշխատում: Մեծերն ամեն օր ուշանում են աշխատանքից, փոքրերը՝ դպրոցից:

Թե արդյոք դիմել են պատկան մարմիններին, մեզ փոխանցեցին, որ քաղաքապետարանից ստեղծված իրավիճակը պատճառաբանում են եղանակային պայմաններով:

«Քանի տարի է այստեղ ենք ապրում, երբեք էլ տրանսպորտը նորմալ չի եղել: Իսկ ո՞ւր է տարվա մե՛ր եղանակը, այն հինգերորդը... մի՞ թե չի գալու»,- սեւակյան մոտիվներով՝ ե՛ւ բարկանում, ե՛ւ կատակում են ջրաշենցիները:

Ի դեպ, ջրաշենցիներն ասում են, որ իրենց խնդիրները միայն տրանսպորտով չի վերջանում: Պարզվում է` ոչ բոլոր փողոցներում լույս կա, միայն կենտրոնական գլխավոր փողոցն է լուսավորված: Ավելին` թաղամասի մի շարք տներ անգամ գազաֆիկացված չեն, քաղաքացիները դիմել են քաղաքապետարան, նույնիսկ ստորագրահավաք են իրականացրել, սակայն նրանց պատասխանել են, որ իրենք իրենց ուժերով պետք է գազի խողովակները հասցնեն տեղ:

ՀՐԱՆՏ ՍԱՐԱՖՅԱՆ

Այս թեմայով Հայի ոգին դեռ վերջնական չի վերացել, Տավուշից կարող է սկսվել ամենամեծ պայքարը. Գրիգոր Հարությունյան Սամվել Վարդանյանի գործով դատը տեղի կունենա Շենգավիթի դատարանում ժամը` 19:00-ին Կոնսերվատորիան բուհ չէ, այլ երաժշտի տունն է, ի վերջո, Կոմիտասի տունն է. Վարդան Խաչատրյան Ավինյանը «զադնի» դրեց, Դովլաթյանը՝ «թռա՞վ» «Կոնսերվատորիան փակելու» օպերացիան հաջողվեց