Հայկական արմատներով ֆուտբոլային ակադեմիայի հաղթարշավը շարունակվում է. Ֆոտոշարք
Սպորտ«Sports Culture FC- ֆուտբոլային ակումբը Չինաստանի Հանչժոու քաղաքում, որը գործում է 2021թ-ի դեկտեմբերից, 2023թ-ի ապրիլի 25-ից մասնաճյուղ է բացվել Կանադայի Մոնրեալ քաղաքում։ Ֆուտբոլի ակադեմիայի նպատակն է ավելի մասայական դարձնել ֆուտբոլը և հնարավորություն տալ առանց տարիքային խտրականության զբաղվել ֆուտբոլով, որպեսզի բոլորը հնարավորություն ունենան խաղալ ֆուտբոլ»,-«Իրավունքի» հետ զրույցում ասաց Sports Culture Football Academy-ի հիմնադիր տնօրեն Սիփան Պետրոսյանը, ընդգծելով.
-Ֆուտբոլը աշխարհի ամենամասսայական սպորտաձևն է և հաճախ թե՛ ֆինանսական, թե՛ ֆուտբոլային հմտությունների ոչ բավարար լինելու պատճառով երեխաները հնարավորություն չեն ունենում զբաղվել ֆուտբով չնայած որ շատ են սիրում խաղալ ֆուտբոլ։ Մեր ֆուտբոլային ակադեմիան կոչվում է` Sports Culture football academy, թարգմանաբար Սպորային կուլտուրա ֆուտբոլային ակադեմիա։ Բացի այն, որ մենք հնարավորություն ենք տալիս յուրաքանչյուրին զբաղվել ֆուտբոլով, նաեւ պատրաստում ենք ապագա ֆուտբոլիստներ և փորձում ենք գտնել նրանց։