«ԻՐԱՎՈՒՆՔ» թերթի 2023թ. սպորտային ամփոփումը
ՍպորտՊատմության գիրկն է անցնում 2023 թվականը։ Տարին շատ մեդալառատ կարող ենք համարել, քանի որ 445 մեդալ նվաճեցին մեր մարզիկները, աշխարհով մեկ ծածանելով մեր եռագույն դրոշը, հնչեցնելով հիմնը։
Բազում հաջողություններ գրանցեցին մեր ըմբիշները, Գյումրեցի անվանի հունահռոմեական ոճի ըմբիշ ԱՐԹՈՒՐ ԱԼԵՔՍԱՆՅԱՆԸ Եվրոպայի չեմպիոն, Աշխարհի առաջնության արծաթե մեդալ նվաճեց, ՄԱԼԽԱՍ ԱՄՈՅԱՆԸ Եվրոպայի չեմպիոն ու Աշխարհի բրոնզե մեդալակիր դարձավ, ԱՐՄԱՆ ԱՆԴՐԵԱՍՅԱՆԸ, Աշխարհի բրոնզե մեդալակիր, ՎԱԶԳԵՆ ԹԵՎԱՆՅԱՆԸ ազատ ոճի ըմբշամարտի Եվրոպայի չեմպիոն ու Աշխարհի բրոնզե մեդալակիր, ԱՐՍԵՆ ՀԱՐՈՒԹՅՈՒՆՅԱՆԸ ազատ ոճի ըմբշամարտի Եվրոպայի չեմպիոն, Աշխարհի բրոնզե մեդալակիր։
Հրաձգությունում ևս նվաճումներ ունեցանք ԷԼՄԻՐԱ ԿԱՐԱՊԵՏՅԱՆԸ հաջող հանդես եկավ։
Բռնցքամարտում ևս աննախադեպ նվաճումներ ունեցանք, ծնունդով Աբովյան քաղաքից անվանի բռնցքամարտիկ ՆԱՐԵԿ ՄԱՆԱՍՅԱՆԸ։
Բռնցքամարտի Աշխարհի առաջնության բրոնզե մեդալակիր դարձավ, ինչպես նաև Եվրոպայի գավաթակիր դարձավ, նա այս տարվա 10 լավագույն մարզիկներից մեկն է, Գյումրեցի անվանի բռնցքամարտիկ ՀՈՎՀԱՆՆԵՍ ԲԱՉԿՈՎԸ, ով աշխարհի առաջնության բրոնզե մեդալակիր դարձավ ու տարվա լավագույն մարզիկ ճանաչվեց։
Բռնցքամարտի Եվրոպայի Մ22 տարեկանների առաջնությունում ՌՈՒՍԼԱՆ ԱՍԼԻԿՅԱՆԸ և ԷԼԻԴԱ ՔՈՉԱՐՅԱՆԸ չեմպիոն դարձան, իսկ ՌԱՖԱՅԵԼ ՀՈՎՀԱՆՆԻՍՅԱՆԸ բրոնզե մեդալ նվաճեց։
Երևանի «Կարեն Դեմիրճյանի» անվան Մարզահամերգային համալիրում ապրիլին կայացավ Եվրոպայի մեծահասակների առաջնությունը։ Այստեղ ևս մեր մարզիկները փայլուն, աննախադեպ նվաճումներ գրանցեցին։ Եվրոպայի չեմպիոններ դարձան ԳՈՌ ՍԱՀԱԿՅԱՆԸ, Գյումրեցիներ ԳԱՐԻԿ ԿԱՐԱՊԵՏՅԱՆԸ, ՍԱՄՎԵԼ ԳԱՍՊԱՐՅԱՆԸ, ՎԱՐԱԶԴԱՏ ԼԱԼԱՅԱՆԸ ԵՎՐՈՊԱՅԻ ապա ԱՇԽԱՐՀԻ ԱՐԾԱԹԵ ՄԵԴԱԼԱԿԻՐ դարձավ։ Գարիկ Կարապետյանը վերջերս դարձավ նաև Աշխարհի չեմպիոն։ Նոյեմբերին, կրկին «Կարեն Դեմիրճյանի» անվան Մարզահամերգային համալիրում, կայացավ մարզական և մարտական սամբոյի Աշխարհի առաջնությունը, որին ես անձամբ ներկա էի ու լուսաբանում էի այնտեղից։
Անվանի մարզիկ ՍԱՐԳԻՍ ՎԱՐԴԱՆՅԱՆԸ, ով նաև խառը մենամարտերում է հանդես գալիս, պրոֆեսիոնալ մարզիկ է, մարզիչ, սամբոյի Հայաստանի բազմակի չեմպիոն, այս առաջնությունում բրոնզե մեդալ նվաճեց, ինչը մեծ արդյունք էր նրա համար, քանի որ առաջին անգամ էր հանդես գալիս սամբո մարզաձևով նման մեծ մրցաշարի։
Բրոնզե մեդալ նվաճեցին նաև Արցախցի անվանի սամբիստներ ՎԱՀԱԳՆ ՉԱԼՅԱՆԸ, ԱՐՄԱՆ ԱՎԱՆԵՍՅԱՆԸ, իսկ արծաթե մեդալ նվաճեցին ԴԱՎԻԹ ԳՐԻԳՈՐՅԱՆԸ, ՎԱՀՐԱՄ ԳՐԻԳՈՐՅԱՆԸ, ԱՎԵՏԻՔ ՊՈՂՈՍՅԱՆԸ, ՎԱՐՍԻԿ ԳՐԻԳՈՐՅԱՆԸ, ԲՈՐԻՍ ՇԱՏՎԵՐՅԱՆԸ, ՎԱՉԻԿ ՎԱՐԴԱՆՅԱՆԸ ։
Սպորտային մարմնամարզության մեջ ևս նվաճումներ գրանցեցինք, անվանի մարմնամարզիկ ԱՐԹՈՒՐ ԴԱՎԹՅԱՆԸ, դարձավ Եվրոպայի առաջնության ոսկե ու բրոնզե մեդալակիր։ Իսկ մարմնամարզության Եվրոպայի պատանեկան Օլիմպիական փառատոնում ՀԱՄԼԵՏ ՄԱՆՈՒԿՅԱՆԸ ոսկե մեդալակիր դարձավ։ Իսկ ՄԱՄԻԿՈՆ ԽԱՉԱՏՐՅԱՆԸ նժույգ թափեր վարժությունում չեմպիոն դարձավ։
Վանաձորցի ՄՀԵՐ ՕՀԱՆՅԱՆՆ էլ դարձավ սամբոյի երիտասարդների Աշխարհի չեմպիոն ։Բազկամարտիկներից հաջող հանդես եկավ ՍՈՒՐԵՆ ԷՎՈՅԱՆԸ։ Տարվա ընթացքում աննախադեպ նվաճումներ գրանցեցին նաև Պաուերլիֆթինգի /ուժային եռամարտի /ֆեդերացիայի անդամները, մեր ուժային եռամարտիկները, ԱՐՏՅՈՄ ԽՈՒԳՈՅԱՆԸ, ՍԵԴՐԱԿ ՄԱՑԱԿՅԱՆԸ, ԱՐՏՅՈՄ ՍՈԼՈՅԱՆԸ, ֆեդերացիայի նախագահ ԳԱԳԻԿ ՍԱՐՈՅԱՆԻ գլխավորությամբ։
Նշեմ, որ տարվա ընթացքում բազմաթիվ հանդիպումներ եմ ունեցել մեր անվանի մարզիկների հետ Արթուր Ալեքսանյանի, Սարգիս Վարդանյանի, Գևորգ Ղարիբյանի, Սուրեն Աղաջանյանի, Գասպար Տերտերյանի, Վահագն Չալյանի, Մհեր Օհանյանի, Նարեկ Մանասյանի, Կարեն Ավետիսյանի,Ռոման Սեդրակյանի, Մալխաս Ամոյանի,Վիգեն Նազարյանի, Մայիս Ներսեսյանի հետ, Մայիսը այս տարի դարձավ Գրեփլինգի Եվրոպայի չեմպիոն, որը ևս աննախադեպ նվաճում էր Գրեփլինգում։
Բազում նվաճումներ ունեցան նաև բրազիլական ջիու ֊ջիցուի մարզիկները ԱՆԴՐԱՆԻԿ ՀԱՐՈՒԹՅՈՒՆՅԱՆԻ գլխավորությամբ։Իսկ ահա Մուայթայ մարզաձևից ՆԱՐԵԿ ԽԱՉԻԿՅԱՆԸ դարձավ Եվրոպական խաղերի բրոնզե մեդալակիր, ավանդական ուշու ֊սանդայի մարզիկները Թուրքիայում ոսկե, արծաթե ու բրոնզե մեդալներ նվաճեցին ։ԱՂՎԱՆ ՄԱԳՈՅԱՆԸ և ՎԱՀԱՆ ՄԿՐՏՉՅԱՆԸ ոսկե մեդալ նվաճեցին։
Տարվա ընթացքում նաև այցելել եմ հանրապետության մի շարք մարզադպրոցներ, ներկա գտնվել մրցաշարերի, ինչպես նաև տեղեկացել մարզական գույքով ապահովվածության և այլ խնդիրների մասին։
Ուրախալի փաստ պիտի արձանագրեմ, որ գյուղական համայնքներում ևս նկատվում է աշխուժացում դեպի սպորտը, կան գյուղեր, որտեղ կան մարզադպրոցներ։ Այս տարի շատ մեծ նվաճումներ գրանցեց նաև Արթիկի բասկետբոլի թիմը։ Այս տարի Գյումրիում կայացավ նաև Ամառային Օլիմպիական խաղերի բացումը, որը ազդարարեց լեգենդար ըմբիշ Արթուր Ալեքսանյանը։ Բազում մեդալներ ունեցանք նաև այս մրցաշարից։
Ցավոք, այս անցնող տարում, կյանքի 94 տարեկան հասակում կյանքից հեռացավ լեգենդար մարմնամարզիկ, Հայաստանի Օլիմպիական կոմիտեի պատվավոր նախագահ ԱԼԲԵՐՏ ԱԶԱՐՅԱՆԸ։
Ամփոփելով անցնող տարին, կուզենամ, որ գալիք տարին լինի խաղաղության, նորանոր նվաճումների, երազանքների, նպատակների իրականացման տարի։ 2024 թվականը Օլիմպիական տարի է լինելու, Փարիզում կկայանա Օլիմպիական խաղերը։ Խոստանում եմ, Նոր տարում աշխատել ավելի մեծ եռանդով ու ջանասիրաբար։
ՇՆՈՐՀԱՎՈՐ ԱՄԱՆՈՐ ԵՎ ՍՈՒՐԲ ԾՆՈՒՆԴ։
«Իրավունք» թերթի մարզական թղթակից ՀՈՎՀԱՆՆԵՍ ՍԱՐԳՍՅԱՆ