«ՀՈՒՆԳԱՐԱՑԻ ԵՎ ՄՈՆՂՈԼ ՄՐՑԱԿԻՑՆԵՐԻՍ, ԵՐԵՔ ԱՆԳԱՄ ՏԵԽՆԻԿԱԿԱՆ ՆՈԿԱՈՒՏԻ ԵՆԹԱՐԿԵՑԻ». ԲՌՆՑՔԱՄԱՐՏԻ ԱՎԱԳ ՏԱՐԻՔԻ ՊԱՏԱՆԻՆԵՐԻ ԱՇԽԱՐՀԻ ՓՈԽՉԵՄՊԻՈՆ ԱՐԵՆ ԽԱՌԱՏՅԱՆ
ՍպորտՎերջերս Երևանի «Միկա» մարզական համալիրում ավարտված բռնցքամարտի ավագ տարիքի պատանիների աշխարհի առաջնության ժամանակ, արծաթե մեդալ է նվաճել ու փոխչեմպիոն դարձել, ծնունդով Վանաձորցի ԱՐԵՆ ԽԱՌԱՏՅԱՆԸ։
Նա, Iravunk. com -ի մարզական թղթակցի հետ բացառիկ զրույցում այսպես մեկնաբանեց. «Հանդես եկա 52 կգ քաշային կարգում։ Ընդհանուր 5 մենամարտ ունեցա ։Սկզբից հաղթեցի մոնղոլ մրցակցիս, հետո Էկվադորի ներկայացուցչին, ապա հունգարացի մրցակցիս, կիսաեզրափակչում Բուլղարիայի ներկայացուցչին, ափսոս, եզրափակչում պարտվեցի կիրգիզ մրցակցիս ու արծաթե մեդալի արժանացա։ Իսկ մյուս բոլոր մրցակիցներիս, բացարձակ առավելությամբ 5։0 հաշվով եմ հաղթել ։Պատճառը գերհոգնածությունն էր ։Ես շատ լավ հանդես եկա, թե ֆիզիկական, թե տեխնիկատակտիկական առումով ։Հունգարացի և մոնղոլ մրցակիցներիս, երեք անգամ տեխնիկական նոկաուտի ենթարկեցի։ Նշեմ, որ Վրաստանում կայացած միջազգային մրցաշարի ժամանակ, հաղթել եմ ադրբեջանցի և երկու վրացի հակառակորդներիս ու չեմպիոն դարձել ։Պարապմունքներս անցկացնում եմ Վանաձորի մենապայքարային մարզաձևերի մարզադպրոցում ։Նշեմ, որ Ռումինիայում էլ Եվրոպայի առաջնությանը 5։0 հաշվով հաղթել եմ թուրք մրցակցիս։ Անձնական մարզիչս Արկադի Կոստանյանն է ։
Իսկ ահա Արենի անձնական մարզիչը ԱՐԿԱԴԻ ԿՈՍՏԱՆՅԱՆԸ, այսպես բնութագրեց իր սանին. «Արենը իմ լավագույն սաներից է, նա իմ հույսերը արդարացրեց։ Շատ մեծ բան էր, որ ավագ տարիքի պատանիների աշխարհի առաջնության եզրափակիչ հասավ, ոչինչ, որ չհասավ ոսկուն ու արծաթե մեդալ նվաճեց, նրան մի փոքր խանգարեց փորձի պակասը։ Շուրջ երեք տարի է, ինչ նա պարապում է բռնցքամարտով, սակայն մեկ տարի է, ինչ շատ խորացված է պարապում, ինչը շատ լավ արդյունք եմ համարում։ Շատ մեծ հույսեր եմ կապում Արենի հետ։
Հաջորդ տարի, 2024 թվականին, նա արդեն հանդես կգա երիտասարդների առաջնություններում։ Նրա անունը, շատ կլսենք աշխարհի տարբեր հարթակներից։ Մեր մարզադպրոցն ունի մարզական գույքի խնդիր։
Մաղթում եմ, որ գալիք Նոր տարին, լինի խաղաղության, նորանոր նվաճումների, նպատակների իրականացման, բազմաթիվ հաջողությունների, ձեռքբերումների տարի»։
Հ. Գ. Արենը արժանացել է նաև «Հայաստանի սպորտի վարպետ» կոչման։
Պատրաստեց ՀՈՎՀԱՆՆԵՍ ՍԱՐԳՍՅԱՆԸ