Կաունասում տեղի է ունեցել մեծարման երեկո՝ նվիրված աշխարհահռչակ հայազգի դիրիժոր Կոնստանտին Օրբելյանին

Նյու-Յորքի քաղաքային օպերայի երաժշտական ղեկավար եւ գլխավոր դիրիժոր Կոնստանտին Օրբելյանի համար 2023 թվականը նշանավորվեց մի շարք կարեւոր ստեղծագործական իրադարձություններով։ Ամբողջ տարվա ընթացքում մաեստրո Օրբելյանը շարունակեց ակտիվ ստեղծագործական գործունեությունը ոչ միայն իր ղեկավարած թատրոնում, այլեւ որպես ժյուրիի անդամ ներկայացավ աշխարհում տեղի ունեցող մի շարք հեղինակավոր մրցույթներում եւ փառատոներում։ Հունգարիայում տեղի ունեցող «Ferenc Fricsay» դիրիժորական առաջին միջազգային մրցույթում Կոնստանտին Օրբելյանը մասնակցեց որպես ժյուրիի անդամ։ Այնուհետեւ մաեստրո Օրբելյանն աշխարհի հեղինակավոր երաժիշտներից կազմված ժյուրիի կազմում մասնակցեց «Klaudia Taev» միջազգային դիրիժորական մրցույթին, որին էլ հաջորդեց Վրաստանի Բաթումի քաղաքում կազմակերպվող «Օպերային ոսկե ձայներ» խորագրով մրցույթը։

Մաեստրո Օրբելյանի հաջորդ ստեղծագործական կանգառը Կաունասում էր, որտեղ նրա ղեկավարությամբ հանդես եկավ Կաունասի քաղաքային սիմֆոնիկ նվագախումբը։ Այս համերգը յուրատեսակ մեծարման խորհուրդ ուներ իր մեջ եւ նվիրված էր Կոնստանտին Օրբելյանի՝ Կաունասի քաղաքային սիմֆոնիկ նվագախումբը ղեկավարելու հոբելյանական 10-րդ տարվան։ Հոբելյանական համերգին ի թիվս աշխարհահռչակ մի շարք մենակատարների՝ ելույթ ունեցավ նաեւ Հայաստանը ներկայացնող դաշնակահար Վարդան Գյոդակյանը։

Կոնստանտին Օրբելյանը տարին ամփոփում է Սուրբ Ծննդյան Գալա համերգով, որը տեղի է ունեցել Կաունասի սիմֆոնիկ նվագախմբի եւ պետական երգչախմբի մասնակցությամբ՝ Կաունասի Սուրբ Պետրոսի եւ Պողոսի տաճարում։ Համերգին մասնակցել են համաշխարհային նշանավոր օպերային աստղեր Քրիստին Օպոլաիսը /սոպրանո, Լատվիա/ եւ Լիպարիտ Ավետիսյանը /տենոր, Հայաստան/։ Ներկայացվել են համաշխարհային նշանավոր օպերաներից եւ հոգեւոր ստեղծագործություններից հատվածներ։ Սուրբ Ծննդյան համերգը հեռարձակվելու է հունվարի 7-ին, ժամը՝ 17։25-ին /կենտրոնական Եվրոպայի ժամանակով/՝ ARTE հեռուստատեսության եթերում։

Այս թեմայով Ինչքան էլ փորձեք, չեք կարող խեղաթյուրել իրականությունը. Հենրիխ Դանիելյան Սերժ Սարգսյանի համար կարևոր է հազարավոր մարդկանց մեջ պարզ ճակատով եւ գլուխը բարձր քայլել. Դանիելյան Ի գիտություն կեղծ լուրեր տարածողների՝ ԱԺ «Պատիվ ունեմ» խմբակցության քարտուղար Տիգրան Աբրահամյանը երեկ ողջ օրը եղել է Տավուշում Տարածքները զիջելն իր մեջ նաեւ քրեական տարր է պարունակում. Սեյրան Օհանյան Նիկոլը բանտարկել է այն մարդկանց, ովքեր մերկացնում էին իր ստերը, իսկ այսօր հանգիստ հանձնում է հողերը. Դանիելյան