Ի՞նչ սպասել օգոստոսից․ աստղագուշակ ըստ համաստեղության նշանների

Ճշգրիտ աստղագուշակ  2023–ի օգոստոսի համար Գալինա Կրասնոպեվցովայից։

Խոյ

Ամիսը չափազանց արգասաբեր է այն անձանց համար, ովքեր սովոր են աշխատել ապագա  հեռանկարների համար։ Մի քանի ծրագրերի շրջանակներում նոր հնարավորություններ կստեղծվեն։ Կկարողանաք ընտրել այն, որն առավել հոգեհարազատ է Ձեզ։ Ընտանեկան խոյերին օգոստոսի ընթացքում վեճեր չեն սպասվում։ Սակայն ցանկալի է վերջ տալ մանրուքների հետևից ընկնելու սովորությանը։

Ցուլ

Ցուլերն օգոստոսի ընթացքում կգրավեն տարբեր տիպի մարդկանց ուշադրությունը։ Այդ պատճառով աստղերը խորհուրդ են տալիս զուսպ պահվածք դրսևորել և ի ցույց չդնել երջանկությունն ու ֆինանսական հաջողությունները հանրության լայն զանգվածներին։ Ընտանիքի կրտսեր անդամների հետ շփումները ոգենչման աղբյուր կդառնան նոր բացահայտումների համար։

Երկվոյակ

Օգոստոսի առաջին կեսը բարենպաստ է օտարերկրացիների և այլ մշակույթի ներկայացուցիչների հետ ծանոթությունների համար։ Նոր լեզուների ուսումնասիրությունը, արտերկրյա գործուղումները ևս բարենպաստ ազդեցություն կունենան։ Եկամտի աղբյուրները կլինեն կայուն։ Ընդհանուր առմամբ հետաքրքիր ամիս է սպասվում։

Խեցգետին

Ամսվա հիմնական թեման կլինեն հարաբերությունները։ Եթե ժամանակի փորձությունները հաղթահարած միություն ունեք, ապա կողակցի հետ ճամփորդության մեկնեք, այն կուժեղացի փոխադարձ հարաբերություններում առկա կրակը։ Իսկ այն խեցգետինները, որոնք միտված են կարիերա կառուցելուն, ամենայն հավանականությամբ, առաջխաղացման հարավորություն կստանան։

Առյուծ

Հաջողության ալիքի վրա մնալու համար Առյուծներից կպահանջվի կազմակերպվածություն։ Մասնագիտական ոլորտում մրցակցությունը կստիպի կրկնակի եռանդով աշխատել։  Աստղերը խորհուրդ են տալիս եկամտի նոր աղբյուրներ չփնտրել, այլ կենտրոնանալ առկա ռեսուրսների վրա՝ ստանալով նրանցից առավելագույնը։

Կույս

Ամսվա առաջին կեսը ներդաշնակ կլինի անձնական կյանքում։ Փոխհարաբերությունները կամրապնդվեն, կմեծանա վստահությունն ու աջակցությունը։  Առողջ էմոցիոնալ դաշտի պահպանման համար խորհուրդ է տրվում չչարաշահել հանգստյան օրերը։ Իսկ հիմնական ծախսերը կուղղվեն բնակարանի բերեկարգմանը։

Կշեռք

Միայնակ Կշեռքներին օգոստոսը հնարավորություն կընձեռի հանդիպել կյանքի սիրուն։ Աշխատավայում մեծ մրցակցություն է սպասվում, իսկ նեցուկ կարող է դառնալ անձը, որից ի սկզբնե նման աջակցություն չէիք սպասում։ Նյութական հարցերում խուսափեք չմտածված գնումներից։ 

Կարիճ

Կարիճներին աստղերը խորհուրդ են տալիս առաջիկա ամսվա ընթացքում ժամանակի մեծ մասը հատկացնել ընտանիքին։ Սիրային հարաբերություններում կարող է դադար հասունանալ։ Խելամիտ կլինի հանգիստ ընթանալ հոսանքին համընթաց՝ վստահություն ցուցաբերելով գերգույն ուժերի հանդեպ։ Ամսվա կեսին կողմնորոշումը փոխեք դեպի գործունեության ակտիվ տեսակներ։ 

 Աղեղնավոր

Աստղերը խորհուրդ են տալիս առաջիկա ամսում լինել հավաքված։ Պահպանողական  ղեկավարությունն ուշի–ուշով կետևի Աղեղնավորների գործունեությանը՝ դիտարկելով պաշտոնի բարձրացման հնարավորությունը։ Անձնական կյանքում հանգիստ շրջան է, ինչը հնարավորություն կտա ուժերը կենտրոնացնել ստեղծագործելու և ինքնակատարելագործման ուղղությամբ։

Այծեղջյուր

Աշխատանքային ոլորտում առավել բարենպաստ շրջան կլինի օգոստոսի կեսը։ Հատուկ ուշադրություն դարձրեք ընկերներին։ Միայնակ Այծեղջյուրներին սպասվում է զանգ անցյալից։ Իսկ ամիսն ամփոփելու եք գտնվելով տարատեսակ գործուղումների կամ ուղևորությունների  մեջ։

Ջրհոս

Աստղերը խորհուրդ են տալիս հստակ նպատակներ սահմանել և չվախենալ ստանձնել առաջնորդի դերը որոշումների կայացման հարցում։ Մշակութային միջոցառումները վայելելու հնարավորություն կունենաք օգոստոսի երրորդ տասնօրյակում։ Ֆինանսական միջոցների հոսքը կլինի կայուն, ինչը հնարավորություն կտա ազատ ժամանակը հաճելի անցկացնել։ 

 Ձուկ

Սպասվում է ներդաշնակ և հանգիստ ամիս։ Միայնակ Ձկները հնարավորություն կունենան ծանոթանալու յուրօրինակ մի մարդու  հետ, որն աշխարհը նրանց  նորովի կներկայացնի։ Առույգությունը և աշխույժ տրամադրությունը պահպանելու համար մի մոռացեք սպորտի մասին և մեծացրեք ֆիզիկական տոկունությունը։