Կա հնարավոր բոլոր անհրաժեշտ բաղադրիչները` փողոցով իշխանափոխություն անելու. Սամսոնյան

Ըստ «Քաղաքացիական գիտակցություն» ՀԿ նախագահ ՆԱՐԵԿ ՍԱՄՍՈՆՅԱՆԻ` Ֆրանսիայի, Միացյալ Նահանգների եւ Ռուսաստանի նախագահներին ուղղված ՀՀ երրորդ նախագահ Սերժ Սարգսյանի բաց նամակն ուղերձ էր, որն ուներ ե՛ւ ներքաղաքական, ե՛ւ արտաքին քաղաքական կոմպոնենտներ:

— Շատ խորհրդանշական է, որ, օրինակ, Ֆրանսիան 1940 թվականին ունեցել է Վիշի կառավարություն, որը նույն այսօրվա մեր իշխանության նման էր: Այսինքն` իշխանություն, որը համագործակցում էր ֆաշիստական Գերմանիայի հետ, ընդունել էր Ադոլֆ Հիտլերի կապիտուլիացիայի պահանջը եւ դարձել էր ֆաշիստական Գերմանիայի մի մաս: Այդտեղ էլ ժողովուրդն ընդունում էր Վիշիի կառավարությանը, բայց փաստացի դը Գոլը (Ֆրանսիայի հինգերորդ Հանրապետության հիմնադիր եւ նախագահ) ու ընդհանրապես` Ֆրանսիան ապացուցեց, որ իր համար այդ ժամանակահատվածը խայտառակության եւ ամոթի շրջան էր: Այսօր մեզ մոտ կա կոլաբորացիոնիստների իշխանություն, որի կողմից վարված արտաքին քաղաքականությունը` այնպես, ինչպես Վիշիի կառավարության կողմից վարված արտաքին քաղաքականությունն էր, ընդունելի չէ մեզ համար, ինչպես ֆրանսիացիների համար ընդունելի չէր: Եվ այսօր ֆրանսիացները, ամերիկացիները, նաեւ ռուսներն ունեն վստահաբար այն գիտակցումը, ինչ ես եմ ասում: Իրենք էլ են շատ լավ պատկերացնում, որ հիմա մեզ մոտ գործում է թշնամու հետ կոլաբորացիայի մեջ գտնվող իշխանություն: Եվ իրենք հիմա ունեն խնդիր` Արցախում հումանիտար աղետը կանգնեցնելու, որովհետեւ Հայաստանի իշխանությունը դրա վրա թքած ունի: Եվ իմ կարծիքով` ՀՀ երրորդ նախագահը շատ հստակ շեշտադրումներով վեր է հանել բոլոր այս բաղադրիչները, որոնք կան այս պահին:

— Տարբեր վիճակագրական տվյալներով` հանրային լայն զանգվածները համաձայն չեն օրվա իշխանության կողմից վարվող արտաքին քաղաքականության հետ: Նաեւ համաձայն չեն, որ  Հայաստանը պատրաստ է ճանաչել Արցախն Ադրբեջանի մաս: Բայց, այդուհանդերձ, հանրային մեծ զանգվածների բողոքի ալիք փողոցում չի ուրվագծվում, ինչո՞ւ:

— Որովհետեւ քաղաքական դաշտում գործող ուժերն այս պահի դրությամբ չեն գտնում այն բանաձեւը, որով կարող են այն իրականացնել: Հնարավոր չէ այլեւս մեկ այլ գործընթաց անել, որը կգնա տապալման: Գործընթացը պետք է լինի մեկը եւ վերջնական: Մենք հասկացանք, որ որեւէ ձեւով կանխելու, ինչ-որ գործողություններ, այսպես ասած, թույլ չտալու քայլերն անիմաստ են, եթե իշխանության Նիկոլ Փաշինյանն է: Հիմա բոլոր քաղաքական ուժերը խնդիր ունեն գտնելու այն ձեւը, որով պետք է մարդկանց կոնսոլիդացնել փողոցում, եւ այս մարդուն հեռացնել իշխանությունից: Սա այլեւս բոլոր քաղաքական ուժերն են հասկանում, որ մի հանրահավաք, մի ավել երթ անելը որեւէ օգուտ չի տալիս, հակառակը` վնասում է: Բայց այսօր կա հնարավոր բոլոր անհրաժեշտ բաղադրիչները` փողոցով իշխանափոխություն անելու: Եվ ես կարծում եմ` մոտակա ամիսները բավականին կարեւոր են լինելու Հայաստանի Հանրապետության ճակատագրում:

— Այս համատեքստում` ակնկալիք ունե՞ք, որ ՀՀ առաջին եւ երկրորդ նախագահներ Լեւոն Տեր-Պետրոսյանը եւ Ռոբերտ Քոչարյանը եւս միանան ՀՀ երրորդ նախագահ Սերժ Սարգսյանի բաց նամակին:

— Անկեղծ ասած, դա իրենց որոշելիքն է: Պատեհությունը` իրենց միանալու, որոշում են առաջին եւ երկրորդ նախագահները, եւ իրենք էլ, վստահ եմ, իրենց խողովակներով են փորձում հնարավորինս ազդել գործընթացի վրա: Պարզապես, երրորդ նախագահի արածը հրապարակային էր: Ամեն դեպքում, կարծում եմ` եթե առաջին ու երկրորդ նախագահնները եւս միանան, լավ կլինի, բայց էլի եմ շեշտում` իրենց որոշելիքն է:

ՀՐԱՆՏ ՍԱՐԱՖՅԱՆ

Այս թեմայով Բոլորն էլ հասկանում են, թե ի՞նչ է կատարվում՝ դավաճանություն, թշնամություն, խայտառակություն. Հարությունյան Երևանի եւ Աստանայի միջեւ հարաբերությունների զարգացման նոր հանգրվան Ակնհայտ է, որ Արեւմուտքը հոգնել է այս ամենից. Մհեր Հակոբյան Մալյանը բանտում կմնա 5 ամիս 7 օր Ինչ ուզում եք, արեք, ես անջատել եմ իմ ինքնապահպանման բնազդը. Նարեկ Մալյան