Հուսախաբ մի արեք մարդկանց, վստահությունը վերականգնելը հեշտ չէ, անհնարին է. Միքայել Համբարձումյան

Դրանից հետո, այդ թվում 2020 թվականի նոյեմբերի 8-ին ծառայությունից ազատվելուցս հետո, ես էլի առիթներ եմ ունեցել ուղիղ շփվել լրատվական դաշտի ներկայացուցիչների հետ, սակայն ինձ երբեք, առ այսօր, հանրային մարդ, գործիչ չեմ համարել: Ես՝ ընդամենը մտահոգ եմ երկրի խնդիրներով և ձգտում եմ նպաստել դրանց լուծմանը:

 

Իմ պատկերացմամբ պետական, հանրային, քաղաքական գործիչները, նրանց ընտանիքի անդամները պետք է դրսևորեն ընդգծված զուսպ վարքագիծ, ապրեն երկրի, ժողովրդի խնդիրներով, առավելապես՝ ընդդիմադիր քաղաքական գործիչները: Այս օրերին, երբ լսում եմ, որ հատկապես ընդդիմադիր քաղաքական գործիչները կամ նրանց ընտանիքի անդամներն, Ամանորի կամ այլ առիթներով արտասահմանում են, պարզապես զարմանք ու ափսոսանք եմ ապրում:

Չէ որ տասնյակ, եթե ոչ հարյուր հազարով մարդիկ, հավատացել են Ձեզ, հույս են կապել, որ Դուք իրական, գաղափարական առաջնորդներ եք ում համար երկրի խնդիրները վեր են ամեն ինչից:

 

Այդպես չի կարելի, ճիշտ չէ, հուսախաբ մի արեք մարդկանց, վստահությունը վերականգնելը հեշտ չէ, անհնարին է: Եթե հիասթափվել եք, հույս չունեք, այլևս շանս չեք տեսնում՝ համապատասխան հետևություն արեք: Կրկնում եմ՝ հարյուր հազարավոր մարդիկ ցավում են երկրի համար, ուզում են պայքարել և հույս են կապում Ձեր հետ, այնինչ՝ Դուք կարծես դա անտեսում եք, ապրում եք իներցիոն կյանքով», - գրել է ԱԱԾ նախկին տնօրեն, գնդապետ ՄԻՔԱՅԵԼ ՀԱՄԲԱՐՁՈՒՄՅԱՆԸ: