Թույլ տված սխալների վերլուծություն արդեն կատարել ենք. Հայկ Մամիջանյան

ԱԺ «Պատիվ ունեմ» խմբակցության ղեկավար ՀԱՅԿ ՄԱՄԻՋԱՆՅԱՆԸ, անդրադառնալով ընդդիմության խորհրդարան վերադառնալու որոշմանը, ընդգծեց, որ այն գործընթացները, որոնք այս պահին ծավալվում են Արցախի եւ Հայաստանի շուրջ, ամենայն հավանականությամբ` վաղ, թե ուշ հանգրվանելու են Ազգային ժողովում եւ Սահմանադրական դատարանում:

— Բազմիցս ենք հայտարարել՝ փողոցային պայքարն ու խորհրդարանական աշխատանքն իրար բացառող գործընթացներ չեն ու թույլ չենք տալու, որպեսզի հակահայկական այս կամ այն զարգացումը կանխելու համար գործիքներ չունենանք: Խորհրդարանական ընդդիմությունը, մասնավորապես` «Պատիվ ունեմ» խմբակցությունը, նույնիսկ ամենաթեժ ցույցերի պահերին, միջազգային ձեւաչափերում կամ օգտագործելով վերահսկողական տարբեր գործիքներ, աշխատել են պառլամենտում: Իսկ բոյկոտն ընդամենը լիագումար նիստերի դահլիճ մուտք գործելու մասին էր, որը չեմ կարծում, թե գործելաոճի էական փոփոխություն է: Պարզապես, եթե խորհրդարանական ընդդիմությունը չիրականացնի խորհրդարանական այս կամ այն աշխատանքը, օրինակ, մեր որոշ միջազգային գործընկերների հետ հանդիպումների ժամանակ մեր գործընկերները կլսեն` «Հայաստանն ու Ադրբեջանը իրար հետ որեւէ խնդիր չունեն, բացի ԼՂ հարցից» կամ «Մենք համարում ենք, որ Լեռնային Ղարաբաղից բոլոր զորքերը պետք է դուրս գան» ու նմանօրինակ հակահայկական, հակապետական հայտարարություններ, որոնք կմնան անպատասխան: Այսինքն, մեր միջազգային գործընկերները չեն լսի, որ նշված երկու դրույթներն աղերս չունեն իրականության հետ կամ չեն լսի, որ խորհրդարանական ընդդիմությունը Հայաստանի եւ Արցախի համար համարում է ճակատագրական սխալ՝ հայ-ադրբեջանական հարաբերությունների զատումը արցախյան հակամարտությունից:

— Որո՞նք էին «Դիմադրություն» շարժման թույլ տված սխալները, որ փողոցային պայքարի միջոցով չհասավ իշխանափոխության:

— Մեր նպատակը եղել է եւ շարունակում է մնալ Նիկոլ Փաշինյանի հեռացումը իշխանությունից, հիմնական բանակցողի փոփոխությունը, բայց ասել, որ փողոցային պայքարը որեւէ արդյունքի չի բերել, կարծում եմ, իրականությանը չի համապատասխանում: Մեր վերջնական նպատակին չենք հասել, բայց որոշակի արդյունքների հասել ենք: Այս ընթացքում թույլ տված սխալների վերլուծություն արդեն կատարել ենք: Փողոցային այս կամ այն ակցիաների ավելի լայնամասշտաբ իրականացման վերաբերյալ այս պահին տարվում է տնային աշխատանք:

ՀՐԱՆՏ ՍԱՐԱՖՅԱՆ

Այս թեմայով Գրանտակեր պրոպագանդիստները… պետք է վերջ տան հակառուսականության տարածմանը Նիկոլ Փաշինյանին սպառնում է 15-20 տարի կամ ցմահ ազատազրկում. հաղորդում` հանցագործության մասին Սերժ Սարգսյանի համար կարևոր է հազարավոր մարդկանց մեջ պարզ ճակատով եւ գլուխը բարձր քայլել. Դանիելյան Հավաք՝ ապրիլի 25-ին, ժամը` 14.00-ին ՀՀ գլխավոր դատախազության շենքի դիմաց Երեւանի սիրտը պետք է լցվի ժողովրդով, ամեն գնով սրանց պետք է հեռացնենք. Մարգարիտ Եսայան