Հանրահավաքի մասնակիցները «քշեցին» բեմահարթակից Արզաքանցյանին

Մինչ Ազգային ժողովի շենքի դիմաց բորբոքված հանրությունը փորձում էր հասկանալ՝ ինչ գործողություններ պետք է իրականացնի եւ, ի վերջո, անվստահություն հայտնելով Նիկոլ Փաշինյանին՝ ո՞վ է լինելու միասնական վարչապետի թեկնածուն, դեռ թափուր չմնացած աթոռի համար կեսգիշերին շտապեցին պայքարել «Ուժը Հայրենյաց» կուսակցության նախագահ, գործարար ՏԻԳՐԱՆ ԱՐԶԱՔԱՆՑՅԱՆՆ ու յուր տիկինը՝ իրեն վաղուց արդեն Երեւանի քաղաքապետի թեկնածու հռչակած ՆԱՏԱԼՅԱ ՌՈՏԵՆԲԵՐԳԸ:

Մարդկանց բազմությունից ոգեւորված՝ Տիգրան Արզաքանցյանը նույնիսկ հայտնվեց բեմահարթակում: Իսկ թե ինչպես իջավ, բավական հուզիչ էր: Նրան ուղղակի «քշեցին» բեմահարթակից: Որքան էլ ժամն ուշ էր, մարդկանց հիշողությունը քնած չէր եւ միանգամից հիշեցին Արզաքանցյան Տիգրանի մինչեւ վերջերս Նիկոլ Փաշինյանի գրպանային արտախորհրդարանական ուժերի ղեկավարների ձեւաչափում ջերմ հանդիպումների մասին: Ավելին՝ ներկաները թարմացրեցին նաեւ վերջինիս հիշողությունն՝ ասելով. «Նիկոլը դավաճան ա, ինքը քեզ ու Արամ Զ. Սարգսյանին օգտագործում ա»: Եվ հնչեց Արզաքանցյան Տիգրանի «փառահեղ» պատասխանը, թե բա՝ «Չի կարա օգտագործի», ինչին հաջորդեց ներկաների հաջորդ հարցը. «Բա ի՞նչ էիր անում մոտը»: Այ հենց այս հարցին, Արզաքանցյան Տիգրանը, կարծես թե, պատասխան չուներ: Առավել խելամիտ գտնվեց Նատալյա Ռոտենբերգը, ով բզեց ամուսնուն՝ հասկացնելով, որ «թռնելու» ժամանակն է: Իսկ նրան ճանապարհեց ձայնը հայրենյաց. «Դավայ, արա՜…»:

ՀՐԱՆՏ ՍԱՐԱՖՅԱՆ

Այս թեմայով «Կամք»-ը կոչ է անում ապակենտրոն դուրս գալ փողոց, կազմակերպել անհնազանդության միջոցառումներ Ով է փորձում խլել Հայաստանի փոքրիկ երգիչների շենքը. Փակագծեր է բացում Տիգրան Հեքեքյանը Հասկացե՛ք վերջապես՝ հայրենիքը ձեր հաշվառման հասցեից ու կադաստրային գրանցումից շատ ավելի մեծ է. Պետրոսյան Տարածքները զիջելն իր մեջ նաեւ քրեական տարր է պարունակում. Սեյրան Օհանյան Իշխող թեւը ամեն ինչ անում է նեղացնելու ընդդիմադիրների օղակը. անկախ ավագանիներին դուրս են թողել հանձնաժողովներից