Չթողեցին, որ գործն ավարտին հասցնի. ինչու Վերմիշյանը հայտնվեց անազատության մեջ.  Զաքարյան

Արդեն 2,5 տարի կալանքի տակ գտնվող Քաղաքաշինության կոմիտեի նախկին ղեկավար Վահագն Վերմիշյանի ինքնազգացողությունը վատացավ հենց նույն դատարանի դահլիճում նույն աթոռին նստած, որտեղ իր մահկանացուն էր կնքել պրոդյուսեր Արմեն Գրիգորյանը: Սակայն, նույն Ա. Գրիգորյանի դատավորը` Մնացական Մարտիրոսյանը, ոչ միայն մերժեց նրա խափանման միջոց կալանքը փոխել 20 միլիոն գրավի դիմաց, այլ նաեւ Վերմիշյանին մի ամբողջ օր չթույլատրեցին Քրեակատարողական հիմնարկից տեղափոխել հիվանդանոց: Ինչո՞ւ է այսպիսի դաժան վերաբերմունքի արժանանում հենց Վահագն Վերմիշյանը, ուշագրավ փակագծեր բացեց «Հայոց ազգային գվարդիա» կազմակերպության ղեկավար ԱՐՇԱԿ ԶԱՔԱՐՅԱՆԸ:

— Վահագը Նիկոլի թիմից չի եղել ու ոչ մեկի թիմից չի եղել: Նա հայի թիմից է: Նրան բերել են Ռուսաստանից, եւ նա շատ կարեւոր գործ ուներ անելու Հայաստանում: Պետք է մի օրենքի նախագիծ ավարտին հասցներ, որպեսզի սրանք չկարողանան հողը ծախել օտարին: Հենց սա կանգնեցրին, չթողեցին, որ գործն ավարտին հասցնի: Նա երբեք քաղաքական թիմի անդամ չի եղել: Ուսումնասիրեք եւ կտեսնեք, թե կառավարության նիստերում նա քանի անգամ է հակադարձել: Հողի այդ օրենքը շատ կարեւոր է Հայաստանում: Հիմա գալիս, ձեր հողը փողով առնում են ու վաղը ձեր հայրենիքը ամբողջությամբ են առնելու: Այս մարդը դա էր ուզում կանգնեցնել: Իսկ այսօրվա իշխանությունները գիտեին, թե ինչ է անում: Որ չբռնեին՝ շինծու գործով չնստեցնեին, որպեսզի չբերեր ներկայացներ հողի օրենքը, այդ ժամանակ ի՞նչ պատճառաբանությամբ չէին հաստատելու այդ օրենքի նախագիծը: Պարզապես, Վահագնը միամտությամբ մի քանի բացահայտումներ արեց:

ՀՐԱՆՏ ՍԱՐԱՖՅԱՆ

Այս թեմայով Վախեցնում է, թե չտանք պատերազմ կլինի, բայց որ տանք` ավելի ուժեղ պատերազմ է լինելու. Բագրատյան «Կամք»-ը կոչ է անում ապակենտրոն դուրս գալ փողոց, կազմակերպել անհնազանդության միջոցառումներ Սերժ Սարգսյանի համար կարևոր է հազարավոր մարդկանց մեջ պարզ ճակատով եւ գլուխը բարձր քայլել. Դանիելյան Եկեղեցին ստանձնում է պետականության պահպանման պատվարի դերը. ՀՀ նախկին վարչապետ Միացե՛ք, ապրիլի 25-ին, ժամը` 12:00-ին մենք լինելու ենք Հանրապետության Հրապարակում. Չախալյան