Ընդդիմադիր պատգամավորների բացական` ոչ հարգելի
ՆերքաղաքականԻշխող «Քաղաքացիական պայմանագիր» խմբակցությունը քննարկում է Նիկոլ Փաշինյանի հրաժարականի պահանջով փողոց դուրս եկած ընդդիմադիր պատգամավորներին ոչ հարգելի բացակաների հիմքով մանդատից զրկելու հեռանկարը: Այս մասին բարձրաձայնել էր անձամբ ԱԺ նախագահ Ալեն Սիմոնյանը` շեշտելով, որ պետք է այդ հարցին շատ լուրջ մոտենան: Սակայն, կարծես թե, այս զգուշացումները որեւէ ազդեցություն չեն ունեցել ընդդիմադիր պատգամավորների վրա, թեպետ հենց ընդդիմության շարքերում կա որոշակի թերահավատություն, որ ոչ բոլորն այս հարցում միահամուռ կլինեն եւ կգտնվեն պատգամավորներ, ովքեր կփորձեն «իրենց հարցերը լուծել»` ոչ հարգելի բացական` բժշկի թղթով հարգելի դարձնելով:
Այսպիսով, «Իրավունքի» ունեցած հավաստի աղբյուրների համաձայն, արդեն որերորդ ԱԺ նիստին բացակայող ընդդիմադիր պատգամավորներից որեւէ մեկը բժշկից թուղթ չի ներկայացրել խորհրդարան` անաշխատունակության վերաբերյալ:
ՀՐԱՆՏ ՍԱՐԱՖՅԱՆ