Անահիտ Մութաֆյանն ընդդեմ Անի Սամսոնյանի հաղորդում է ներկայացրել հանցագործության մասին
Ներքաղաքական«Լուսավոր Հայաստան» կուսակցության անդամ, նախկին ԼՀԿ-ական պատգամավոր Անի Սամսոսնյանը սոցցանցում հայտարարությամբ է հանդես եկել` անդրադառնալով գործող իշխանության դեմ փողոցում պայքար մղող ընդդիմությանը: Նա մասնավորապես նշել է. «Տարիներ շարունակ փող բաժանեցիք, որ իշխանությունը պահեք, անցած տարի փող բաժանեցիք, որ դառնաք ընդդիմություն, իսկ հիմա փող եք բաժանում, որ ջահելները ձեր համար փողոց փակեն»։
Արձագանքելով վերոնշյալին` դերասանուհի Անահիտ Մութաֆյանը գրել է. «4 տարի շարունակ պայքարում եմ ստահակ իշխանության դեմ, 4 տարի եղել եմ փողոցում այժմ էլ փողոցում եմ եւ փողոց եմ փակում ու երթերին եմ մասնակցում, միտինգներին, բայց երբեք գումար չեմ ստացել։ Հիմա այս երեւույթն ինձ ու իմ ընկերներին բառի ուղիղ իմաստով անվանում է վարձով աշխատողներ։ Անի Սամսոնյան, եթե դու սովոր ես փողով ելույթներ ունենալու, փողով սիրելու ու սիրվելու նյուսներին քո արշինով մի չափիր։ Դու ունես մեկ ժամ ժամանակ` ներողություն խնդրելու կամ փաստեր ներկայացնելու»։
Տրված ժամանակը լրացել է, իսկ Ա. Սամսոնյանի ո՛չ ներկայացրած փաստերը կան, ո՛չ ներողությունները եւ Անահիտ Մութաֆյանը դիմել է ո՛չ ավել, ո՛չ պակաս ՀՀ գլխավոր դատախազին եւ ոստիկանությանը: