Քաղաքականապես «անհետաքրքիր» անձը կդառնա Երեւանի փոխքաղաքապետ

Դեռեւս այս տարվա փետրվար ամսին հայտնի դարձավ, որ Երեւանի փոխքաղաքապետ ՀԱՅԿ ՍԱՐԳՍՅԱՆԸ հրաժարականի դիմում էր ներկայացրել եւ հեռացել փոխքաղաքապետի պաշտոնից: Եվ միայն հիմա` երկար ամիսներ անց, քաղաքային իշխանությունը գտավ, թե ով է փոխարինելու նրան: Իմքայլականները կանգ են առել ԱԺ «Իմ քայլը» խմբակցության պատգամավոր ԵՐՋԱՆԻԿ ՀԱԿՈԲՅԱՆԻ օգնականի թեկնածության վրա: Ընդ որում` այս թեկնածուի մասին Երջանիկ Հակոբյանը ժամանակին լրատվամիջոցներից մեկի հետ զրույցում բավականին ուշագրավ կարծիք է հայտնել` այդպես էլ չհրապարակելով նրա անունը:  

Հիշեցնենք, որ Երջանիկ Հակոբյանի օգնականն Ազգային ժողովում «Ցեղակրոն» կուսակցության նախագահ Շանթ Հարությունյանի որդին էր` ՇԱՀԵՆ ՀԱՐՈՒԹՅՈՒՆՅԱՆԸ: Սակայն, Շահենին Երջանիկը փոխարինեց ՍԵՐԳԵՅ ՆԵՐՍԻՍՅԱՆՈՎ, որն էլ այսօր համարվում է իմքայլականների փոխքաղաքապետի թեկնածուն: Հենց նրա անունն էր ժամանակին պատգամավորը «գաղտնի» պահում` ասելով. «Չէ, գաղտնիք չէ, կարող եք մտնել, ծանոթանալ, բայց ուղղակի ինքն ակտիվ քաղաքական գործունեություն ծավալած անձ չէ, այդ իմաստով հետաքրքրություն, չեմ կարծում, որ կառաջացնի էլի... Քաղաքական որեւէ գործընթացներում չի եղել, էդ առումով ձեզ համար հետաքրքիր անձ չէ»:  

Ինչեւէ, նշենք, որ փոխքաղաքապետի պաշտոնում, ըստ Երջանիկի, այս քաղաքականապես «անհետաքրքիր» անձի ընտրության հարցը դրված է սեպտեմբերի 8-ին կայանալիք Երեւանի ավագանու նիստի օրակարգում: Իսկ թե ինչպես են ընդդիմությունում վերաբերվում Ս. Ներսիսյանի թեկնածությանը, Երեւանի ավագանու «Լույս» խմբակցության ղեկավար ԴԱՎԻԹ ԽԱԺԱԿՅԱՆԸ նշում է. «Չգիտեմ` ինչ մասնագիտական ունակություններ ունի, քաղաքային ոլորտը բավականին բարդ է: Զարմանում եմ, որ Երեւանի ավագանու «Իմ քայլը» խմբակցության ներսից մարդ չհատկացրին, որովհետեւ իրենց խմբակցության ներսում կային մարդիկ, որոնք ակտիվ ավագանու անդամներ էին, հարցազրույցներ էին տալիս, խոսող ավագանու անդամներ էին եւ նրանց տարան շատ ավելի ցածր պաշտոնների, հանեցին ավագանուց: Պատկերացնում էի, որ փոխքաղաքապետը գոնե ավագանու անդամ կլիներ, որպեսզի ոլորտը երկու տարի վիզուալ պատկերացներ, բայց` տեսնենք»:

ՀՐԱՆՏ ՍԱՐԱՖՅԱՆ

Այս թեմայով Համահայկական սգո օրը Երեւանում տեղի ունեցան երկու «աննախադեպ», «հոգեցնցող» երեւույթ. Ալլա Հակոբյան Սերժ Սարգսյանի համար կարևոր է հազարավոր մարդկանց մեջ պարզ ճակատով եւ գլուխը բարձր քայլել. Դանիելյան Էս մարդը ներքին ցեղասպանություն է իրականացնում. Գեւորգ Պետրոսյան Եկեղեցին ստանձնում է պետականության պահպանման պատվարի դերը. ՀՀ նախկին վարչապետ Կյանքի 71-րդ տարում մահացել է նկարիչ Խաչիկ Հարությունյանը