Դեռ շարունակո՞ւմ եք մտածել, որ մե՞նք ենք որպես ազգ որոշում ինչպես ապրել. Վարդանյան

«Բեւեռների միացում» ազգային ՀԿ հիմնադիր-նախագահ ԱՐԹՈՒՐ ՎԱՐԴԱՆՅԱՆԸ անդրադարձել է հայաստանյան ներքաղաքական իրավիճակին՝ նախեւառաջ ընդգծելով. «Այստեղ Քարդաշյան մասին ոչինչ չկա գրած, փնտրիր այլ տեղ։ Սա այն մարդկանց համար է, ովքեր մտահոգ են Հայ ազգի, Հայաստանի եւ Արցախի ճակատագրով»։ Ա. Վարդանյանի 11 կետից բաղկացած վերլուծությունը ներկայացնում ենք ստորեւ՝ առանց մեկնաբանության. «Երբ որոշ անձիք, կամ քաղաքական ուժեր խոսում են կոռուպցիայի դեմ պայքարից, անկախ ամեն ինչից հիշում եմ մեր անցած տասնյակ տարիների ընթացքում մեր երկիրը, մեր պետությունը մինչեւ 99% տոկոսը թալանած մարդկանց, միլիոնավոր ճարահատյալ արտագաղթած մեր հայրենակիցներին, 900.000-ից ավել աղքատության մեջ ապրող ընտանիքներին եւ երբեմն զարմանում եմ այդ մարդկանց ցինիզմի վրա։ Նույնիսկ վիրավորական է այն, որ մի ամբողջ ազգի փորձում են հիմարի տեղ դնել, իրենց հիմար եև տգետ կարգավիճակով։ Եկեք բոլորս միասին մի փոքրիկ եւ պարզ ձեւով վերլուծենք մեր երկրի քաղաքական իրավիճակը։

1. Տեսեք, բոլոր հզոր քաղաքական ուժերը մեծահարուստներ են (շատերը նույնիսկ կրթություն չունեն)։

2. Բոլոր քաղաքական ուժերը մեդիա դաշտի 99%-տոկոսի ուղղակի եւ անուղղակի ղեկավարներն են։

3. Բոլոր տեսակի բիզնեսների մոտ 70 տոկոսը պատկանում է նույն մեծահարուստ քաղաքական ուժերին, իսկ մյուս 30% ուղղակի կամ անուղղակի կախվածություն ունի այդ նույն մարդկանցից։

4. Յուրաքանչյուր բիզնես ծրագիր անմիջական համաձայնություն պետք է ստանա այն քաղաքական ուժից, ով այդ պահին կլինի իշխանություն։

5. Հանքարդյունաբերությունը, ջուրը, գազը, էլեկտրաէներգիան բաժանված են եւ պատկանում կլանային ուժերին։ Ինչպես եւ մեծածավալ ներմուծման եւ արտահանման մենաշնորհը:

6. Բիզնեսը եւ քաղաքականությունն այսօր նույնն են մեր երկրում, որովհետեւ եւ իշխանությունները, եւ նախկինները կան այդ երկու ոլորտում։

7. Բոլոր քաղաքական ակտիվիստների 90%-ը ֆինանսավորվում են նույն մարդկանց կողմից։

8. Առողջապահության, կրթության եւ գիտության, սպորտի, գյուղատնտեսության եւ այլ ոլորտի բոլոր մասնավոր եւ, իհարկե, ոչ մասնավոր կենտրոնների 95% պատկանում են իրենց։

9. Բանկային համակարգի ուղիղ 99% գտնվում է նրանց իշխանության ներքո։ Այսինքն, երբ հասարակ քաղաքացին վարկ է վերցնում հիվանդանոցում բուժվելու համար, (եթե իհարկե ցանկանում ես որակյալ բուժում ստանալ) ստիպված է լինում վարկ վերցնել անհավանական մեծ տոկոսներով, գրավ դնելով այն ինչ կարող է եւ կամա, թե ակամա հայտնվում կախյալ եւ անելանելի իրավիճակում։

10. Ընտրություններին ստիպված ես լինում ընտրել նրան, ով քեզ աշխատանք է տալիս չնչին աշխատավարձով, կամ թոշակառու եւ նպաստառու լինելով հավատում ես, որ այն կբարձրանա, որպեսզի կարողանաս ազատվել նույն այն վարկերից, կախվածությունից եւ պարտքերից, որոնք հենց նույն այդ ուժերի ձեռքում են, իսկ բոլոր այդ ուժերը սնվել են եւ սնվում են պետական բյուջեից։ Այսինքն ի՞նչ է ստացվում, որ ինքներս հարկ ենք վճարում մեր պետությանը, որտեղից թալանում են եւ ուղղում մասնավոր բիզնեսների զարգացման համար, նույն այն ոլորտներին, որոնցից մի քանիսը թվեցի եւ որոնք մեզ պահում են ծայրահեղ գոյատեւման կարգավիճակում։

11. Գյուղատնտեսություն, հանքաարդյունաբերություն, առողջապահությունը, կրթություն... եւ բոլոր մյուս ոլորտները գտնվում են նույն կարգավիճակում։ Ստացվում է, որ ինքներս ենք ընտրում եւ վճարում մեր դահիճներին։

Հիմա դեռ շարունակո՞ւմ եք մտածել, որ մենք «ժողովուրդ» ենք եւ «ժողովրդավար» երկիր ենք եւ որ մե՞նք ենք որպես ԱԶԳ որոշում ինչպես ապրել։ Հիշեք, որ պատերազմի ժամանակ պետության անունը դնում են Հայրենիք եւ տալիս են ազգին»։

Այս թեմայով Ես երկրի ղեկավար եմ տեսնում Բագրատ սրբազանին. Արթուր Ղազարյան Ինչպես են բերման ենթարկում ՀՀԿ երիտասարդներին ՔՊ-ից ովքե՞ր անվստահություն կհայտնեն Փաշինյանին. մեկնաբանում է Արման Աբովյանը Հերի՛ք է, իրար միս ուտենք. Արման Աբովյան Այո՛, Հայաստանը գտնվում է ծանրագույն ճգնաժամի մեջ. Արման Աբովյան