Ինչպես է ԿՀՎ-ի փոխտնօրենի` ՀՌՕ գոտում զոհված որդին հայտնվել ռուսական բանակում

Ամերիկյան աղբյուրները մանրամասներ են հայտնել, թե ինչպես է ԿՀՎ-ի տնօրեին թվային նորարարությունների փոխտնօրենի որդին հայտնվել ուկրաինական ռազմաճակատում` ռուսական ուժերի կազմում: 

Ավելի վաղ հայտնի է դարձել, որ Մայքլ Գլոսը մահացել է ՀՌՕ գոտում։

Մայքլի մայրը՝ Ջուլիան Գալինա Գլոսը, ավարտել է ԱՄՆ ռազմածովային ակադեմիան, ավելի քան 30 տարի աշխատել է հետախուզության մեջ, ծառայել է ԱՄՆ ռազմածովային ուժերում, զբաղեցրել է տարբեր պաշտոններ բանակում, իսկ վերջին 6 տարիներն աշխատել է ԿՀՎ-ում, որտեղ 2024 թվականի փետրվարին դարձել է թվային նորարարությունների փոխտնօրեն։

Հայրը՝ Լարի Գլոսը, նույնպես ԱՄՆ ռազմածովային ուժերի վետերան է, մասնակցել է Իրաքի ներխուժմանը և այժմ ղեկավարում է մի կառույց, որը ստեղծում է ծրագրային ապահովում ԱՄՆ կառավարության և ՆԱՏՕ-ի այլ երկրների անվտանգության համար։
Մայքլի ընտանիքը մահախոսականում նշել է, որ 21-ամյա ամերիկացին դարձել է հիպի, ճանապարհորդել է աշխարհով մեկ, տներ կառուցել Հոնդուրասում, վերականգնել երկրաշարժերի հետևանքով ավերված շենքերը Թուրքիայում, եղել է էկոակտիվիստ և հրապարակայնորեն աջակցել է Ուկրաինային։
Այնուամենայնիվ, նրա հայացքները հետագայում փոխվեցին։ 2023 թվականին նա որոշեց մեկնել Ղրիմ՝ «Ծիածան ընտանիք» հիպիական շարժման հանդիպմանը մասնակցելու համար։ Նա սոցիալական ցանցերում գրել է, որ ցանկանում է ստանալ Ռուսաստանի քաղաքացիություն և դիմել է ռուսական վիզայի համար։
«Ես էկոլոգ եմ։ Ես ուզում եմ օգնել Ռուսաստանում և հարակից երկրներում ստեղծել ենթակառուցվածքներ, որոնք կաճեցնեն սնունդ ամբողջ տարվա ընթացքում։ Սա կօգնի կայունացնել սննդի գները ամբողջ տարվա ընթացքում։ Եվ ընդհանուր առմամբ, նվազեցնել սննդի գնաճը»,- հայտնել է Գլոսը։
Այնուհետև նա ձեռք բերեց ԽՍՀՄ դրոշ, ստեղծեց VK հաշիվ, բաժանորդագրվեց Լենինի, Ստալինի և կոմունիզմի մասին խմբերին և հրապարակեց Պուտինի ելուրթների տեսանյութեր։
Մայքլը հայտնվեց Վլադիկավկազում, ապա՝ Մոսկվայում, որտեղ մասնակցեց երաժշտական ​​փառատոնի։
Նրա տվյալներով գրառում է հայտնվել EMIAS-ի (Մոսկվայի միասնական բժշկական տեղեկատվական-վերլուծական համակարգ) տվյալների բազայում, որտեղ նրա հասցեն նշված էր որպես Յաբլոչկովա փողոցում գտնվող պայմանագրի համար հավաքագրման կետ, իսկ նրա «բնակարանը»՝ 302 համարի բժշկական զննման սենյակը։
Նա սկսեց ապրել Մոսկվայի մարզի «Ավանգարդ» մարզական կենտրոնում։ Մոտ 14 օր անց հայտնվեց Ռյազանի զորամասում։
Նա գրել է, որ «աշխատում» է Ռուսաստանում՝ գումար խնայելու, անձնագիր ստանալու և Աֆրիկայով շրջագայելու համար։ Կարճ ժամանակ անց նա հայտնվեց ռազմաճակատում՝ 137-րդ օդադեսանտային գնդի կազմում, իսկ 2024 թվականի ապրիլի 4-ին զոհվեց Ռազդոլովկայի և Վեսյոլովկայի մոտակայքում տեղի ունեցած հարձակման ժամանակ, ինչպես հայտնել է նրա ընտանիքը մահախոսականում։