Չի կարելի իրիկունը քնել, առավոտ զարթնել ու ասել՝ դու էլ դատավոր չես. Ֆելիքս Թոխյան
Արխիվ 16-20![Չի կարելի իրիկունը քնել, առավոտ զարթնել ու ասել՝ դու էլ դատավոր չես. Ֆելիքս Թոխյան](/timthumb.php?src=disc/old16-20/114827.png&w=780)
Չի կարելի իրիկունը քնել, առավոտ զարթնել ու ասել՝ դու էլ դատավոր չես, լրագրողների հետ ճեպազրույցում ասաց ՍԴ դատավոր Ֆելիքս Թոխյանը՝ անդրադառնալով երեկ ԱԺ-ի կողմից երկրորդ ընթերցմամբ և ամբողջությամբ ընդունված նախագծին, որով ՍԴ դատավորների պաշտոնավարման ժամկետը սահմանվում է 12 տարի:
«Դուք գիտեք, որ մենք՝ այդ թվում ես, հրաժարվել ենք լավ պայմաններով թոշակի գնալուց: Մի քանի ամսից եղավ իմ կարծիքով ամենաճիշտ որոշումը՝ հանարքվեով հարցի լուծումը: Որշ ժամանակ առաջ, երբ կորոնավիրուսային վարակն այս տեմպերի չէր, դեռ հանրաքվե հնարավոր էր անել: Մեր հարազատ Արցախում երկու փուլով ընտրություն արեցին: Դրանից հետո, որ հանրաքվեն չի եղել, ես չգիտեմ՝ ինչպես են մի օրվա մեջ Սահմանադրություն փոխում: Դա աննորմալ ընթացք է: ՍԴ-ում պատահական մարդիկ նստած չեն», - ասաց բանախոսը:
Հարցին, թե առանց Սահմանադրական դատարան գալու՝ երեկ ամրագրված փոփոխությունները կարո՞ղ են ուժ ունենալ, Ֆելիքս Թոխյանը պատասխանեց որպես սահմանադրագետ.
«Առանց ՍԴ եզրակացության՝ միանշանակ չէր կարելի դնել սահմանադրական հանրաքվեի: Ինչ վերաբերում է շահերի բախմանը, վենետիկցիները գրել են՝ ոչ մի շահերի բախում չկա: Ինչո՞ւ դրա մասին չեն ասում: Շատ մարդիկ իրենց խելոք են զգում, իրենց մեզ տեղն են դնում, հետո էլ որոշում են, թե մենք ինչ կարող ենք որոշել, հետո էլ ասում են՝ շահերի բախում է: Նախ, ուղղակի գրագետ չեն նման բան ասողները: ՍԴ-ն ցանկացած հարց առաջին հերթին նայում է ընթացակարգային խախտումների տեսակետից», - ասաց ՍԴ դատավորը: