Известия-ն 3D ձևաչափով վերստեղծել է Crocus City Hall-ում կատարվածի ժամանակագրությունը (տեսանյութ)
ՄիջազգայինИзвестия պարբերականը վերականգնել է մարտի 22-ի երեկոյան մերձմոսկովյան Crocus City Hall համալիրում տեղի ունեցած իրադարձությունների ժամանակագրությունը։ Պատրաստված եռաչափ տեսանյութը հնարավորություն է տալիս հետևել ահաբեկիչների գործողություններին Կրասնոգորսկում գտնվող շենքին մոտենալու պահից մինչև նրանց ձերբակալությունը Բրյանսկի մարզում։
Ըստ տեսանյութի՝ ահաբեկիչները համալրի մոտ են եղել մարտի 22-ի ժամը 19:50-ին: 15 րոպե չանցած՝ նրանք շենք են մտել գլխավոր մուտքից՝ գնդակահարելով մի քանի մարդկու ավտոկայանատեղիում, այնուհետև մտել են համերգասրահ՝ նախքան «Պիկնիկ» խմբի համերգի մեկնարկը։ Դահլիճում եղել է 6,2 հազար մարդ։ Այնտեղ ահաբեկիչները այրել են աթոռներն ու լքել այրվող շենքը։
Ավելի ուշ, փախուստի դիմելով հանցագործության վայրից, ժամը 20:13-ին նրանք սպիտակ Renault-ով հեռացել են են Crocus City Hall-ից՝ շարժվելով Մ-3 Ուկրաինա մայրուղով։ Ժամը 23:07-ին մայրուղու 291-րդ կմ-ին տեսախցիկը ֆիքսել է ավտոմեքենան ՝ արագությունը գերազանցելու համար, որից հետո սկսվել է հետապնդում։ Մեքենան հնարավոր է եղել կանգնեցնել միայն անիվների վրա կրակելուց հետո։ Ներկա պահին ահաբեկչության բոլոր հեղինակները ձերբակալված են։
Հիշեցնենք, որ մարտի 22-ի երեկոյան մի խումբ զինված տղամարդիկ ինքնաձիգներից կրակ են բացել Մոսկվայի Crocus City Hall-ում, ինչից հետո տեղում պայթյուն է տեղի ունեցել և հրդեհ է բռնկվել: Հաղորդվում է առնվազն 133 զոհի և 152 վիրավորի մասին: