Ավինյանի կեսօրն՝ ընդդեմ Պուտինի

Դեռեւս անթրաշ Նիկոլ Փաշինյանը 2017 թվականին ֆեյսբուքյան գրառմամբ շեշտում էր. «Հայաստանի Հանրապետությունում պետական լեզուն հայերենն է։ Ապա պետական լեզուն՝ ռուսերենը»: Բայց, արի ու տես, որ ՔՊ-ականների համար նախատեսված այս դասը չի սերտել Երեւանի քաղաքապետ Տիգրան Ավինյանը:

Այսպիսով՝ խախտելով ՀՀ պետական լեզուն՝ Երեւանի քաղաքապետի լիազոր ներկայացուցչի մարտի 11-ի որոշմամբ` ի գիտություն է ընդունվել ՌԴ քաղաքացի Ռիչարդ-Ռոման Քինգի կողմից մարտի 17-ին՝ ժամը 11.00-15.00-ն Ալեքսանդր Մյասնիկյանի արձանի դիմացի ոչ երթեւեկելի հատվածում հավաքի անցկացումը, որի մասին իրազեկումը քաղաքապետարան ներկայացվել է ռուսերենով:

Ուշագրավ է այն, որ իրազեկման մեջ ՌԴ քաղաքացին նշել է, որ այս հավաքով իրենք միանում են «Կեսօր՝ ընդդեմ Պուտինի» միջազգային հակառուսական ակցիային, որի ժամանակ կոչ են անելու ՌԴ քաղաքացիներին քվեարկել ընդդեմ Պուտինի կամ վնասել քվեաթերթիկները, հիշել ռուս ընդդիմադիր Ալեքսեյ Նավալնիին եւ հարգել նրա հիշատակը: Եվ այս ամենի համար օգտագործել՝ «Ոչ պատերազմին», «Խաղաղություն Ուկրաինային», «Ազատություն Ռուսաստանին», «Դուրս հանել զորքերը Ուկրաինայից», «Դադարեցնել մոբիլիզացիան» պացիֆիստական գրություններով պաստառները: Իսկ Ավինյան Տիգրանը թույլատրել է այն, ընդ որում՝ ՌԴ նախագահական ընտրությունների օրը: Միայն թե, քաղաքապետարանն արգելել է հավաքի ընթացքում որեւէ թեկնածուի օգտին կամ որեւէ թեկնածուին դեմ քվեարկելու կոչեր ու հայտարարություններ հնչեցնելը, թեկնածուներից որեւիցե մեկի լուսանկարով կամ անվամբ պաստառների օգտագործումը: Բայց դրանից ակցիայի բովանդակությունը թերեւս չփոխվեց, իսկ Ավինյան Տիգրանն էլ Արեւմուտքին հիշեցրեց, որ Նիկոլ Փաշինյանից, առավել եւս` ԱԽՔ Արմեն Գրիգորյանից ոչ պակաս կարող է հակառուս լինել ու արեւմտամետների «ջրաղացին ջուր լցնել»:

ՀՐԱՆՏ ՍԱՐԱՖՅԱՆ

Այս թեմայով Հայաստանը պետական դավաճանությամբ Ադրբեջանի առաջ ծնկի են բերում Այսօր, դժբախտաբար, մեր ներսից ենք ստանում հարվածները. Լոքմագյոզյան Ոնց արա՛, եղեռնը դարձավ անհիմն հիշողությո՞ւն. Գեւորգ Պետրոսյան Ով է փորձում խլել Հայաստանի փոքրիկ երգիչների շենքը. Փակագծեր է բացում Տիգրան Հեքեքյանը Հավաք՝ ապրիլի 25-ին, ժամը` 14.00-ին ՀՀ գլխավոր դատախազության շենքի դիմաց