Հետաքննող լրագրող Գայանե Զարգարյանի դեմ հնչեցված սպառնալիքների գործը` ՄԻՊ-ի ուշադրության կենտրոնում
Թեմա«Իրավունքը» անդրադարձել էր, որ շուրջ մեկ ամիս է, ինչ անառակաբարո էջերի կողմից ապօրինաբար տարածվում են հետաքննող լրագրող Գայանե Զարգարյանի լուսանկարները, զուգահեռաբար տարածելով լկտի, զրպարտիչ հերյուրանքներ ու անգամ սպառնալիքներ, հնչեցնելով ընդհուպ սպանության կոչեր՝ նպատակ ունենալով ֆիզիկական հաշվեհարդարի ֆրոնտ բացել մեր գործընկերոջ նկատմամբ: Մեր գործընկերոջ դեմ իրականացվող համացանացային արշավը դատապարտել եւ համապատասխան գրություններով` ՆԳՆ եւ Դատախազություն գրություններ է հասցեագրվել Մարդու Իրավունքների պաշտպանի գրասենյակի կողմից, իր աջակցությունն է հայտնել Խոսքի ազատության պաշտպանության կոմիտեի նախագահ Աշոտ Մելիքյանը, Երեւան մամուլի ակումբի նախագահ Բորիս Նավասարդյանը եւ մի շարք հեղինակավոր իրավապաշտպանն էր, մինչեւ ՀՀ առաջին ՄԻՊ-ը:
«Իրավունքը» հետեւողական լինելով մեր գործընկերոջ դեմ ուղղված սպառնալիքների գործի մանրամասներին փորձեց մեկ անգամ եւս ՄԻՊ-ից տեղեկանալ, թե ի՞նչ ընթացքի մեջ է վերը նշված գործը, եւ ահա ՄԻՊ-ի աշխատակազմից մեզ տեղեկացրեցին հետեւյալը.
-Ձեր կողմից բարձրացված հարցի առնչությամբ Պաշտպանի հանձնարարությամբ գրություններ են հասցեագրվել ՀՀ ՆԳՆ ոստիկանություն և Գլխավոր դատախազություն: Ի պատասխան՝ ՆԳՆ ոստիկանությունից գրավոր հայտնել են, որ 2024 թվականի փետրվարի 20-ին Գայանե Զարգարյանից ընդունվել է հանցագործության մասին հաղորդում, որը քրեական դատավարության օրենսգրքով սահմանված կարգով ուղարկվել է ՀՀ քննչական կոմիտե՝ քրեական վարույթ նախաձեռնելու հարցը որոշելու համար:
Գլխավոր դատախազությունից Պաշտպանի գրության վերաբերյալ դեռևս գրավոր պատասխան չի ստացվել. ըստ «Մարդու իրավունքների պաշտպանի մասին» ՀՀ սահմանադրական օրենքի 26-րդ հոդվածի 4-րդ մասին կարգավորման՝ Պաշտպանի պահանջած նյութերը, փաստաթղթերը, տեղեկությունները և պարզաբանումները պետք է Պաշտպանին ուղարկվեն հնարավորինս սեղմ ժամկետում, բայց ոչ ուշ, քան հարցումն ստանալուց հետո` երեսուն օրվա ընթացքում: