«Էս տունն էլ մերը չի». Աշոտ Փաշինյանը մեջբերեց «Կարգին Հաղորդումը»
ՀասարակությունԱշոտ Փաշինյանը, այսօր՝ մարտի 8-ին, Երևանի Գարեգին Նժդեհի 29 հասցեում գտնվող իրենց բնակարանում «Հեղափոխությունից-հեղափոխություն` հեղափոխությունից-գեղագիտություն» խորագրով ցուցահանդես է կազմակերպել: Ցուցահանդեսի մուտքավճարը 400 դրամ է:
Լրագրողների հարցին՝ արդյոք բնակարանը վաճառվե՞լ է՝ Աշոտ Փաշինյանն ասել է, որ դա շատ անձնական հարց է և ինքը չի ցանկանում պատասխանել, սակայն Նիկոլ Փաշինյանը բազմիցս բարձրաձայնել է, որ այդ բնակարանը ցանկանում են վաճառել:
«Ներշնչանքիս աղբյուրը հեղափոխությունն է: Ցուցահանդեսի խորագիրը, որ կոչվում է «Գեղագիտությունից գեղագիտություն, հեղափոխությունից հեղափոխություն», դա այն մասին է, որ մեզ համար, ինձ համար որպես գեղանկարիչ, որպես հեղափոխական կամ հեղափոխության հետ կապ ունեցող մարդ, ես համարում եմ, որ գեղագիտությունը հեղափոխության կարեւոր հարցերից մեկն է: Գեղագիտությունից գեղագիտություն, հեղափոխությունից հեղափոխություն, այդ բառախաղը այն մասին է, որ հեղափոխական պրոցեսը միշտ ներկա է ամեն տեղ:Էս տարածքում իմ արվեստանոցն է եղել, դրա համար այստեղ է ցուցահանդեսը: Քաղաքականության կարևոր մասերից են գեղագիտությունն ու գեղեցկությունը: Ես ամբողջությամբ պաշտպանում եմ հեղափոխությունը, պաշտպանում էն քաղաքական թիմը, որը հեղափոխական պրոցեսը շարունակում է ինստիտուցիոնալ մակարդակում»,- նշեց նա:
Անդրադառնալով հարկերին ու ԱՁ բացելուն՝ Փաշինյանը նշեց, որ, երևի, պետք է ներողություն խնդրի, որ հարուստ չէ ու հարկ չի վճարում այն պատճառով, որ իր շրջանառությունն X գումարը չի գերազանցում:
Խոսելով այն մասին, որ առաջարկում էին իշխանությունների տներում տեղավորել արցախցիներին և պատասխանելով այն հարցին՝ արդյո՞ք կարող են արցախցիներ բնակվել այդ տանը, Փաշինյանը պատասխանեց.
«Կարգին հաղորդում կա է մի հատ. Էս տունն էլ մերը չի, հարցեր կան շատ, ճիշտ չի լինի մեկնաբանեմ»: