Իշխանությունը փորձում է ուրանալ նաեւ Հայոց երրորդ հանրապետության պետականության հիմքերը. Մինասյան

Ըստ Ազգային ժողովի նախագահ Ալեն Սիմոնյանի` ոչ միայն Հայաստանը պետք է փոխի Սահմանադրությունը, այլ Ադրբեջանի Սահմանադրությունում ու փաստաթղթերում նույնպես կան դրույթներ, որոնք հայելային պետք է փոփոխվեն։ Անդրադառնալով վերոնշյալին` ԱԺ «Հայաստան» խմբակցության քարտուղար ԱՐԾՎԻԿ ՄԻՆԱՍՅԱՆՆ ասաց, որ նախ լավ կլինի որեւէ անձ ՔՊական շրջանակներում պատասխանի` ի՞նչ են ասել Ադրբեջանին:

— Որեւէ մեկը բովանդակային առումով ոչինչ չի ասում: Ես ենթադրում եմ` կա՛մ իրենք ոչինչ չեն ասել, կա՛մ չեն տիրապետում ադրբեջանական սահմանադրական կարգավորումներին եւ փաստաթղթերին։ Օրինակ` Ադրբեջանի Հանրապետությունն իր անկախությունը հռչակել է ադրբեջանական առաջին կեղծ հանրապետության հենքի վրա: Ադրբեջանի առաջին հանրապետությունը չի ունեցել միջազգայնորեն ճանաչված որեւէ տարածք կամ սահման, ավելին` երբ նրանք դիմում էին Ազգերի լիգային՝ 112 հազար քկմ տարածքով՝ ներառյալ Հայաստանի ու Վրաստանի տարածքների զավթման առաջարկով, Ազգերի լիգան ուղղակի մերժեց մեր ու Վրաստանի դիմումի հիման վրա։ Ասաց՝ դուք ներկայացրել եք այլ ազգերի, այլ ժողովուրդների տարածքները որպես ձեր տարածքներ։ Այս պարտությունն ու կորուստները բերած իշխանությունն անընդհատ զիջման է գնում, ինքն ի՞նչ պահանջ է ի վիճակի ներկայացնել կամ որ պահանջեց, իրեն ո՞վ է բանատեղ դնում։ Նիկոլ Փաշինյանի ասածն այսօր Ալիեւը պետք է անի՞։ Կարող է անել, եթե Նիկոլ Փաշինյանի իշխանությունը պահպանելուն ուղղված քայլ է, անձնական խնդրանք է։ Բայց պետականության, ՀՀ, Արցախի ժողովրդի, Արցախի Հանրապետության պաշտպանության դիրքերից այս մարդն ունակ չէ ոչինչ անել: Այնպես որ, անկախ նրանից, թե իշխանությունները ինչ կասեն, եթե Ադրբեջանի ու Թուրքիայի պահանջը հիմա վերաձեւակերպված է, որ հայ ժողովուրդը պետք է հրաժարվի իր պատմական անցյալից, իր անժամանցելի իրավունքներից, նույնիսկ հազար անգամ, եթե համոզված ես, որ դա լավ բան է, չպետք է անես։ Եթե քո թշնամու ասածն անում ես, նշանակում է՝ ենթարկվում ես իր խաղի կանոններին։ Սարսափելի է դիտարկել, որ այսօրվա իշխանությունը փորձում է ուրանալ նաեւ հայոց Երրորդ Հանրապետության պետականության հիմքերը։ Շենքը կառուցված է կոնկրետ հիմքերի վրա՝ Անկախության հռչակագրում արտաբերված ազգային իղձերի, նպատակների, մեր պատմական անցյալի, մեր ու սերունդների իրավունքների ամրագրված, միջազգային չափանիշով հաստատված սկզբունքների վրա։ Դա հիմքն է, հիմա իրենք ասում են՝ բերեք այդ հիմքը փոխենք։ Եթե դու հիմքը փոխում ես, նշանակում է, շենքը քանդում ես։ Չես կարող հիմքը փոխել, շենքը թողնել, պետք է շենքը քանդես։ Դա նշանակում է վերացնել Երրորդ Հանրապետությունը։ Այսօրվա իշխանությունը գնում է դրան:

Այս թեմայով Հայաստանը պետական դավաճանությամբ Ադրբեջանի առաջ ծնկի են բերում Կոպիտ սխալ եմ համարում այս օրհասական պահին հանրային քննարկման առարկա դարձնել այն հարցը, թե ո՛վ պիտի լինի Ամենայն Հայոց հաջորդ հայրապետը. Մելիքյան Եվրոպան ասեց՝ հոպ. Արթուր Խաչատրյան Եթե Նիկոլը դավաճան ու հողատու է, անիմաստ չե՞ն նրան ձեր տված հարցերն ԱԺ-ում. քաղաքացին՝ Լ. Քոչարյանին Ժողովուրդը, որին պարտադրում են իր հողը հանձնել եւ հեռանալ, չի կարող գոհունակ լինել. Վազգեն Պետրոսյան