Ազգությամբ ռուս պատգամավորը ռուսների մասին հարցից ջղաձգվեց ու «թռավ»

ՄԱԿ-ի Գերագույն ասամբլեան բանաձեւ է ընդունել, որում դատապարտվում է Ռուսաստանի, այսպես ասած, «ագրեսիան» Ուկրաինայի եւ Վրաստանի դեմ: Բանաձեւին կողմ է քվեարկել նաեւ Հայաստանը, որով կոչ է արվում փոխհատուցել ռուսական ագրեսիայի հետեւանքով հասցված վնասը եւ պատասխանատվության ենթարկել նրանց, ովքեր մեղավոր են միջազգային իրավունքի նորմերի խախտման մեջ: Մինչդեռ, օրինակ, Իրանը, Ուզբեկստանը, Տաջիկստանը, Ղրղըզստանը ձեռնպահ են մնացել:

Թե ինչով է պայմանավորված հերթական ակնհայտ հակառուսական քայլը հայաստանյան իշխանության կողմից, փորձեցինք պարզել ԱԺ իշխող «Քաղաքացիական պայմանագիր» խմբակցության պատգամավոր ԱԼԵՔՍԵՅ ՍԱՆԴԻԿՈՎԻ տեսակետը: Սակայն, հարց ուղղելու առաջին փորձը չստացվեց, վերջինս քթի տակ փնթփնթալով շտապեց ԱԺ նիստերի դահլիճ, մինչդեռ անգամ ՔՊ-ական պատգամավորներ Անդրանիկ Քոչարյանն ու Մաթեւոս Ասատրյանն էին հորդորում նրան ոչ թե նեղացկոտություն դրսեւորել, այլ տղամարդավարի պատասխանել լրագրողների հարցերին: Իսկ երկրորդ փորձն արդեն նիստերի դահլիճից վերադառնալիս էր, երբ նա սլանում էր իր աշխատասենյակ, որտեղ հասնելը լրագրողներին արգելված է Ալեն Սիմոնյանի ԱԺ նախագահ դառնալուց հետո: Այնուամենայնիվ, հաջողվեց հնչեցնել հարցն ու ականատես լինել Սանդիկովի ջղագրգիռ պահվածքին:

— Պարոն Սանդիկով, ինչպե՞ս կմեկնաբանեք, որ ՄԱԿ-ում Հայաստանը կողմ է քվեարկել հակառուսական բանաձեւին:

— Տեղեկություն չունեմ, ինֆորմացիա չունեմ, ի՞նչ մեկնաբանեմ:

— Իսկ ինչպե՞ս եք վերաբերվում ռուս խաղաղապահների նկատմամբ առկա դժգոհություններին:

— Ռուսաստանի դեսպան կա, հարգելիս, ես Ռուսաստանի ներկայացուցիչ չեմ, Հայաստանում ռուսների ներկայացուցիչ եմ: Ինձ այնպիսի հարցեր եք տալիս, որ Ռուսաստանի Դաշնության տիրույթում է:

— Բայց Դուք պատգամավոր եք, ով պետք է ունենա նաեւ այս հարցերի պատասխանը: ՔՊ-ական նախկին պատգամավոր Գայանե Աբրահամյանը Հանրայինի եթերում ասել է…

— Բամբասանքներ են (հարցը մինչեւ վերջ չլսելով, որ Գ. Աբրահամյանն ասել է, թե Ռուսաստանը խոչընդոտում է, որպեսզի Հնդկաստանից զենք բերվի Հայաստան, հեռվից կրկին փնթփնթաց պատգամավորը` այդպես էլ անհայտ թողնելով, թե արդյոք կա մի հարց, որ առհասարակ իր տիրույթում է - հեղինակ):

ՀՐԱՆՏ ՍԱՐԱՖՅԱՆ

Այս թեմայով «Խուճապ» օպերացիա Երեւանում` ուկրաինական ձեռագրով Հայաստանն այսօր կառավարվում է Արեւմուտքի դուրսպրծուկների, Սորոսի եւ ամերիկյան որոշակի կառույցների կողմից. Խոմերիկի Ուկրաինան զոհվեց հանուն Արեւմուտքի, եթե խելքի չգանք, նույնը սպասվում է մեզ. Հրանտ Ավետիսյան Մինչեւ լուսաբաց դեռ քանի՞ անգամ է ռուս համայնքը ներկայացնող Սանդիկովն ուրանալու ռուսներին Հա՛յ ժողովուրդ, եղի՛ր աչալուրջ եւ մի՛ թույլ տուր պղծեն մեր հանճարեղ Նժդեհի անունը. Գայանե Ներսիսյան