Կյանքից հեռացել է ՀՊՄՀ պրոֆեսոր Մարտին Գիլավյանը

Խորը վշտով տեղեկացնում ենք, որ կյանքից հեռացել է Վաչե Պարտիզունու անվան հայ նոր եւ նորագույն գրականության եւ նրա դասավանդման մեթոդիկայի ամբիոնի պրոֆեսոր, բանասիրական գիտությունների դոկտոր Մարտին Գիլավյանը։

Մարտին Գիլավյանը ծնվել է 1947 թվականին։ 1969թ. ավարտել է Խաչատուր Աբովյանի անվան մանկավարժական ինստիտուտի բանասիրական ֆակուլտետը։

1972 թվականից դասավանդում էր հարազատ բուհում՝ 1972-2000թթ. եւ 1972-2000թթ. ռուս եւ արտասահմանյան գրականության ամբիոնի դասախոս, 2000թ-ից հայ գրականության եւ նրա դասավանդման մեթոդիկայի, 2013 թ-ից մինչ օրս՝ Վաչե Պարտիզունու անվան հայ նոր եւ նորագույն գրականության եւ նրա դասավանդման մեթոդիկայի ամբիոնի պրոֆեսոր:

1995-2011թթ. Մարտին Գիլավյանը եղել է ՀՊՄՀ բանասիրական ֆակուլտետի դեկան: Մինչ օրս նա Մանկավարժական համալսարանի «Հայագիտական հանդես»-ի գլխավոր խմբագիրն էր, բազմաթիվ գիտական հոդվածների հեղինակ։

Իր գիտամանկավարժական ողջ գործունեությունը պրոֆեսորն անմնացորդ նվիրումով իրականացրել է հարազատ բուհում, կրթել եւ դաստիարակել բանասեր-մանկավարժների տասնյակ սերունդներ:

Բազմամյա գիտամանկավարժական գործունեության համար Մարտին Գիլավյանն արժանացել է մի շարք պարգեւների։

Պրոֆեսոր Մարտին Գիլավյանի՝ վաստակաշատ մանկավարժի եւ գիտնականի հիշատակը վառ կմնա իր գործընկերների եւ ուսանողների սրտերում:

Հոգեհանգստը տեղի կունենա ս.թ. ապրիլի 14-ին (ժամը` 17:30-20:00-ին) «Զոլեր» սգո սրահում, որը գտնվում է Շահումյանի գերեզմանատուն տանող ճանապարհին (հասցե` Երեւան, Գրիգոր Հասրաթյան փող., 25/3 շենք):

Աղբյուր՝ aspu.am

Այս թեմայով Ի՞նչ ներգաղթ, Գլենդելում տարածված է, որ մենակ խելքը թրցնողներն են Հայաստան գալիս. Այնթապլեան Հայաստանն այսօր կառավարվում է Արեւմուտքի դուրսպրծուկների, Սորոսի եւ ամերիկյան որոշակի կառույցների կողմից. Խոմերիկի «Հայաստան. Ռուսաստա՞ն, թե՞ Արեւմուտք». ինչ են խորհուրդ տվել հայ ժողովրդի մեծերը «Կոնսերվատորիան քաղաքից դուրս տեղափոխելն անհեթեթ որոշում է». ՄԱՐՏԻՆ ՎԱՐԴԱԶԱՐՅԱՆ Նման «դոկտոր»-ներ ունեցող ազգին նույնիսկ թշնամիներ հարկավոր չեն ինքնաքայքայման համար. Ալլա Հակոբյան