Մայքլ, հոգ տար նրա մասին. Թրամփի դուստրն ու միլիարդատեր Մայքլ Բուլոսը ամուսնացել են (լուսանկարներ)

ԱՄՆ նախկին նախագահ Դոնալդ Թրամփի կրտսեր դուստրն ամուսնացել է լիբանանցի միլիարդատեր Մայքլ Բուլոսի հետ։ 29-ամյա Թիֆանիի և 25-ամյա Մայքլի հարսանիքը տեղի է ունեցել Դոնալդ Թրամփի՝ Փալմ Բիչում գտնվող կալվածքում։ Հարսնացուն, ուլունքավոր Elie Saab զգեստ հագած, «այո» է ասել իր փեսացուին թարմ ծաղիկներով զարդարված խորանի առաջ:

Թիֆանի Թրամփն ու Մայքլ Բուլոսը հանդիպել են 2018 թվականին՝ հունական Միկոնոս կղզում։ Այդ ժամանակ Թիֆանին Ջորջթաունի իրավաբանության ուսանող էր, իսկ Մայքլը սովորում էր նախագծերի կառավարում Լոնդոնի Սիթի համալսարանում:

Մայքլը Թիֆանիին առաջարկություն է արել Սպիտակ տան Վարդերի պարտեզում 2021 թվականին՝ մոտ 1,2 միլիոն դոլար արժողությամբ 13 կարատանոց զմրուխտից պատրաստված ադամանդե մատանիով։

«Թիֆանին սպասում էր շքեղ հարսանիքի։ Նրա նշանածը շատ հարուստ ընտանիքից է, և ինքը նույնպեսէ, և նրանք ցանկանում էին, որ իրենց ընկերներն ամբողջ աշխարհից իրենց հետ նշեն այս իրադարձությունը», - ասել է ինսայդերը:

Տիֆանին երկու անգամ զգեստափոխվել է: Թրամփը Տիֆանիի հետ պարել է Here Comes The Sun երգի ներքո, որից հետո նա, դիմելով փեսային, ասել է.«Մայքլ, հոգ տար նրա մասին»:

Հարսանեկան արարողության առաջին կադրերը՝ Pagesix-ի ֆոտոշարքում։