Արշալույսներդ, թող միշտ խաղաղ բացվեն, ԱՐՑԱԽ աշխարհ…

ԱԶԱՏ ԽՈՍՔ ՀԱՂՈՐԴԱՇԱՐԻ ՀԵՂԻՆԱԿ, ԼՐԱԳՐՈՂ ԳԱՅԱՆԵ ԶԱՐԳԱՐՅԱՆԸ ՖԵՅՍԲՈՒՔՅԱՆ ԻՐ ԷՋՈՒՄ ՇՆՈՐՀԱՎՈՐԵԼ Է ԱՐՑԱԽԻՆ ԱՆԿԱԽՈՒԹՅԱՆ 29 ԱՄՅԱԿԻ ԱՌԹԻՎ 

29 տարի առաջ Արցախի ժողովրդի կողմից կայացված որոշումը՝ պատմական նշանակություն ունեցավ ԲՈԼՈՐԻՍ համար:

Արցախի Հանրապետությունը կոփվեց պարտադրված պատերազմում, իսկ կերտված հաղթանակները տարիների ընթացքում ապացուցեցին Արցախի կենսունակությունը` հանդիսանալով հայության միասնության խորհրդանիշն ու մեր ազգային արժանապատվության պաշտպանության մարմնավորումը:

1988-ից սկիզբ առած ղարաբաղյան շարժումը շարունակությունն էր նվիրական այն պայքարի, որ դարեր շարունակ մղել է հայ ժողովուրդը իր անկախ ու ազատ կյանքը կերտելու իրավունքի համար: 1991 թ. սեպտեմբերի 2-ին Լեռնային Ղարաբաղի Հանրապետության անկախության հռչակումը Արցախի ամբողջ հայության այդ երազանքի իրագործման արձանագրումն էր:
Լեռնային Ղարաբաղի Հանրապետությունը մշտապես հավատարիմ մնաց, եւ հիմա էլ հավատարիմ է հակամարտության խաղաղ կարգավորման իր սկզբունքին, եւ մենք անշեղորեն հավատում ենք Լեռնային Ղարաբաղի Հանրապետության ապագային:
Ինչ խոսք, Անկախությունն ու Ազատությունը հեշտ չի տրվում, այլ նվաճվում է սեփական արյամբ, կամքով ու վճռականությամբ:
Ազատ Արցախն այսօր վերակառուցման փուլից թևակոխել է զարգացման փուլ, եւ ապացուցել աշխարհին, որ ՀԱՂԹՈՒՄ Է ՓԱՌՔՈՎ ԵՒ ՎԵՐՋ…

Այո, հաղթեցինք. մեր ԱՐԾԻՎ ՏՂԱՆԵՐԻՙ ՄԵՐ ՀԵՐՈՍՆԵՐԻՙ ՊԱՏՄՈՒԹՅՈՒՆԸ ԿԵՐՏԱԾ ՄԵՐ ՍՊԱՆԵՐԻ ՀՐԱՄԱՏԱՐՆԵՐԻ, ԻՐԱԿԱՆ ՆՎԻՐՅԱԼՆԵՐԻ ,հաղթական ու անմնացորդ նվիրումի ու պաքարի շնորհիվ:
Փառք ու խոնարհում Արցախյան հերոսամարտում ընկած մեր ԲՈԼՈՐ ՀԵՐՈՍՆԵՐԻՆՙ, փառք ու պատիվ ազատամարտիկին, զինվորին ու սպային, մեր ողջ ժողովրդին, Հայաստանի և Արցախի բոլոր քաղաքացիներին, ովքեր անհրաժեշտ պահի բռունցքվեցին՝ դառնալով հայրենիքի պաշտպան:
Շնորհավոր Տոնդ, սիրելի Արցախ.խաղաղությունն ու հաղթանակը, որպես արժեքներ, ապրելու և զարգանալու կարևոր երաշխիք են ժողովուրդների ու պետությունների համար:

Հ. Գ

Անկախության 29 տարիները իրենց դրական հետքն են թողել Արցախցու կյանքում: Զարգանում է Արցախ աշխարհը ի հեճուկս իր թշնամու: Այսօր միայն դառը հուշեր են մնացել այն տարիներից, երբ ռումբերը պայթում էին մարդկանց գլխավերևում: Այսօր Արցախցին առաջվա նման հաստատուն է կանգնած իր հողի վրա ու միշտ պատրաստ է պաշտպանել իր խաղաղությունը՝ իր որդիների արյամբ:
Տոնդ շնորհավոր, ազատ ու անկախ Արցախ աշխարհ: Արշալույսներդ, թող միշտ խաղաղ բացվեն, ԱՐՑԱԽ աշխարհ…