Ցանկացած իրավական փաստաթուղթ՝ Իրանի եւ Ռուսաստանի միջեւ տարածքային բաժանման խնդրին զգայուն թեմա է

Իրանագետ ԱՐՏՅՈՄ ՏՈՆՈՅԱՆԻ խոսքով՝ չնայած օգոստոսի 12-ին Ղազախստանի Ակտաու քաղաքում Կասպից ծովի ափերը կիսող 5 պետությունների (Ռուսաստան, Ադրբեջան, Իրան, Թուրքմենստան Ղազախստան) ղեկավարների միջեւ ստորագրված Կասպից ծովի իրավական կարգավիճակի մասին կոնվենցիայով չեն լուծվում մինչեւ այդ գոյություն ունեցած բոլոր խնդիրները, այդ թվում ծովի հատակի վերջնական սահմանազատման հարցը, այնուամենայնիվ Իրանում արդեն իսկ դժգոհության մեծ ալիք է բարձրացել, որը թերեւս պայմանավորված է մի քանի հանգամանքներով․

1) Ցանկացած իրավական փաստաթուղթ, որը կվերաբերի Իրանի եւ Ռուսաստանի միջեւ տարածքային բաժանման, սահմանազատման խնդրի, իրանցիների համար զգայուն թեմա է, ուստի հասարակական եւ քաղաքական սուր արձագանքները, հաճախ անտեղի ու չհիմնավորված քննադատությունն այդ առումով ամենևին անսպասելի չէ։ Իրանցիներն իրենց պատմության ամենաամոթալի պայմանագիրը համարում են Թուրքմենչայի պայմանագիրը, եւ հետաքրքիր է, որ այս կոնվենցիան ԻԻՀ խորհրդարանի պատգամավորներից մեկն անվանել է «Նոր Թուրքմենչայ»։

2) Իրանի ներքաղաքական իրավիճակը մինչև նշված կոնվենցիայի ստորագրումը լարված էր՝ պայմանավորված 
նաև ազգային արժույթի արժեզրկմամբ։ ԻԻՀ տարբեր քաղաքներում տեղի էին ունենում հակակառավարական ցույցեր, ուստի ստորագրված կոնվենցիան և դրա երկակի մեկնաբանումը ԻԻՀ տարբեր քաղաքական թևերի, նաև արտերկրում ապրող վերջին շահի ժառանգի եւ նրա կողմնակիցների կողմից ընդամենը կայծ էր հակակառավարական նոր ցույցերի հրահրման համար։

Սոցցանցային տարբեր էջերում տարածվում են հայտարարություններ, որոնցում կոչ է արվում ստորագրված կոնվենցիայի դեմ բողոքի դուրս գալ օգոստոսի 18-ին Թեհրանում՝ ԻԻՀ խորհրդարանի շենքի դիմաց։

3) Տարբեր ուժերի կողմից փորձ է արվում ներկայացնել, որ կոնվենցիայի ստորագրմամբ Իրանը համաձայնել է Կասպից ծովի հանդեպ իր ունեցած «երբեմնի 50%-ոց վերահսկողությունը» իջեցնել մինչև 11-13% (նկատի են առնում հիմնականում խորհրդային շրջանը, երբ Կասպից ծովը կիսված էր միջազգային իրավունքի երկու սուբյեկտների՝ Խորհրդային Միության և Իրանի միջեւ, իսկ ԽՄ փլուզումից հետո Կասպից ծովի իրավական կարգավիճակի խնդիրը մնում էր դեռ բաց)։

Ստորև բերված նկարը, որն ակտիվորեն տարածվում է սոցիալական ցանցերում իրանցի օգտատերերի կողմից, ցույց է տալիս այդ մարդկանց զգայունությունը խնդրի հանդեպ եւ դրա՝ հասարակական ընկալման երանգները ստորագրված կոնվենցիայից հետո։

Այս թեմայով Սահմանազատման հանձնաժողովները փոխանակվել են կանոնակարգի նախագծով․ փոխվարչապետի գրասենյակ Աստված բոլորիս մեծ сюрприз-ներ է պատրաստում. Ալլա Հակոբյան ԱՄՆ-ում խոսեցին դեմոկրատների լայնածավալ ապստամբության մասին՝ Բայդենին տապալելու համար ՇՏԱՊ. Սաիդ Ջալիլին խոստանում է ջախջախիչ պարտության մատնել Մասուդ Փեզեշկիանին Իրանի ընտրությունների արդյունքերով առաջատար է բարեփոխիչ թեկնածուն