ԲԱՑԱՌԻԿ․ Առաջատար են Մասուդ Փեզեշքիանն Սայիդ Ջալիլին․ Ինչ է կատարվում Թեհրանում այս պահին
Միջազգային![ԲԱՑԱՌԻԿ․ Առաջատար են Մասուդ Փեզեշքիանն Սայիդ Ջալիլին․ Ինչ է կատարվում Թեհրանում այս պահին](/timthumb.php?src=disc/29-06-24/08e464aca1ad107f4d97e77d3b25f048.jpg&w=780)
Իրանի նախագահական ընտրություններին մասնակցել են ընտրողների 40 տոկոսը։ Այս պահի դրությամբ մեծ տարբերությամբ առաջատար են բարեփոխական Մասուդ Փեզեշքիանն եւ պահպանողական Սայիդ Ջալիլին։ Մինչ այժմ հաշվարկվել է 14 միլիոն 70 հազար քվե, որից 5 մըփիլիոն 900 հազարը Մասուդ Փեզեշքիան, 5 միլիոն 700 հազար Սաիդ Ջալիլի և 1 միլիոն 900 հազար Մոհամմադ-Բաղեր Ղալիբաֆ, -այս մասին տեղից բացառիկ մանրամասներ է <<Իրավունքին>> ներկայացրել Թեհրանում լույս տեսնող <<Արաքս>> շաբաթերթի գլխավոր խմբագիր ՄՈՎՍԵՍ ՔԵՇԻՇՅԱՆԸ, չբացառելով, որ հնարավոր է Իրանում ընտրությունների երկրորդ փուլ անցնի, թեեւ նախնական արդյունքները կհայտարարվեն երկու ժամից։
-Ո՞ր թեկնածուի օգտին է քվեարկել հայ համայնքը։
-Իրանի հայ համայնքը երբեք էլ մեկ թեկնածուի շուրջ չի համախբվել, յուրաքանչյուր անհատ ինքն է որոշել ում ձայն տալ։
-Պարոն Մովսիսյան, հնարավո՞ր է նոր նախագահի ընտրությամբ փոխվի նաեւ Իրանի արտաքին քաղաքական վեկտորը։
-Նախ նշեմ, որ բոլոր թեկնածուներն էլ խոստանում են դրական փոփոխություններ մտցնել արտաքին հարաբերություններում։ Բայց որևէ մեկը արտաքին քաղաքականության վեկտորը փոփոխելու հարց չունի, այնպես որ վեկտորի փոփոխման հարց չկա և չի լինելու։ Հավելենք նաև որ Իրանի արտաքին քաղաքականության վեկտորի հարցը միայն նախագահից կախված չէ և այդ հարցում առաջին խոսքը երկրի հոգևոր առաջնորդինն է։
-Ի՞նչ փոփոխություններ սպասել Իրան-Հայաստան հարաբերություններում։
-Նախագահական ընտրությունները անկախ իրենց արդյունքներից Իրան-Հայատան հետագա հարաբերություններում բացասական ազդեցություն չեն ունենալու։ Իրան-Թուրքիա և Իրան-Ռուսաստան հարաբերությունները հարևանականից բացի նաև մրցակցային են։ Թեհրանի շահերը տարածաշրջանում ոչ միշտ են համընկնում Անկարայի և Մոսկվայի հետ, մանավանդ Հարավային Կովկասում։ Այս փաստը հատկապես կարելի է նկատել Իրանի ղեկավարության և բարձրաստիճան պաշտոնյաների հայտարարություններում, երբ նրանք խոսում են ՀՀ սահմանների կարմիր գիծ լինելու և տարածաշրջանի միջազգայնորեն ճանաչված սահմաննելի անխախտելիության մասին։