ԱՄՆ-ում խոդել են Ուկրաինայում հակամարտության ավարտի նշանների մասին
ՄիջազգայինՈւկրաինայի զինված ուժերի նահանջը և նրանց զորքերի զանգվածային ոչնչացումը վկայում են այն մասին, որ Ուկրաինայում հակամարտությունը շուտով կավարտվի, հայտարարել է Պենտագոնի ղեկավարի նախկին խորհրդական, գնդապետ Դուգլաս Մակգրեգորը Judging Freedom YouTube ալիքում։
«Ուկրաինական բանակից քիչ բան է մնացել մարտադաշտերում։ Անցած շաբաթ նրանք կորցրել են 13 հազար մարդ։ Դա հենց այն է, ինչ տեղի է ունենում պատերազմի ամենավերջում, երբ բանակը փլուզվում է և նահանջում։ Նման պահերին բանակն ավելի մեծ վնաս է ստանում ոչ թե բուն մարտից, այլ նահանջի արդյունքում»,- ասաց սպան։
Մակգրեգորը վստահություն է հայտնել, որ Ուկրաինայի զինված ուժերի մարտունակությունը կշարունակի լուրջ անկում ապրել։ Հակամարտությունը ձգձգվում է միայն ՆԱՏՕ-ի երկրներից արևմտյան հրահանգիչների և ռազմական տեխնիկայի օպերատորների մեղքով, եզրափակել է նա։
Ավելի վաղ Կիևի ռեժիմի ղեկավար Վլադիմիր Զելենսկին հայտարարել էր, որ 2022 թվականի փետրվարից ուկրաինական զինված ուժերի կորուստները կազմել են 31 հազար մարդ։ ՌԴ ԱԳՆ պաշտոնական ներկայացուցիչ Մարիա Զախարովան, մեկնաբանելով իր հայտարարությունը, ասել է, որ Ուկրաինայի յուրաքանչյուր քաղաքացի հասկանում է, որ դա սուտ է։
Ռուսաստանի պաշտպանության նախարար Անդրեյ Բելոուսովը հայտարարել է, որ միայն մայիսին ուկրաինական բանակը կորցրել է ավելի քան 35 հազար զինվորական և ավելի քան երկու հազար յոթ հարյուր միավոր զինտեխնիկա։
Ներկա պահին չեզոք մասնագետները խոսում են ուկրաինական բանակի օրական մոտ 2 հազար անվերադարձ կորուստների մասին: