ԽԱՂԱՂ ԾԱՌԱՅՈՒԹՅՈՒՆ ՈՒ ԲԱՐԻ ՎԵՐԱԴԱՐՁ ՄԵՐ ԶԻՆՎՈՐՆԵՐԻՆ. ՇԻՐԱԿԻ ՄԱՐԶՈՒՄ ԱՅՍՕՐ ՏՐՎԵՑ ԱՄԱՌԱՅԻՆ ԶՈՐԱԿՈՉԻ ՄԵԿՆԱՐԿԸ
Հասարակություն![ԽԱՂԱՂ ԾԱՌԱՅՈՒԹՅՈՒՆ ՈՒ ԲԱՐԻ ՎԵՐԱԴԱՐՁ ՄԵՐ ԶԻՆՎՈՐՆԵՐԻՆ. ՇԻՐԱԿԻ ՄԱՐԶՈՒՄ ԱՅՍՕՐ ՏՐՎԵՑ ԱՄԱՌԱՅԻՆ ԶՈՐԱԿՈՉԻ ՄԵԿՆԱՐԿԸ](/timthumb.php?src=disc/26-06-24/3e6f79f204ebf78da80297ef2af9b896.jpg&w=780)
Iravunk. com - ի Շիրակի մարզի թղթակիցը Գյումրիում էր։ Այսօր, հունիսի 25-ին, Շիրակի մարզկենտրոն Գյումրի քաղաքում տրվեց ամառային զորակոչի մեկնարկը։ Նորակոչիկներին Հայոց բանակ ճանապարհելու էին եկել Շիրակի մարզպետ Մուշեղ Մուրադյանը, ՀՀ ՊՆ Զորակոչային և զորահավաքային համալրման ծառայության Շիրակի մարզի տարածքային ստորաբաժանման ղեկավարի պարտականությունները կատարող Իշխան Գրիգորյանը, նորակոչիկների։ ծնողներ, հարազատներ, ընկերներ։
Նորակոչիկները Գյումրիի «Սուրբ Ամենափրկիչ» եկեղեցում, ստանալով Աստծո օրհնությունը, լսում են ծնողների պատգամները, որպեսզի պատվով ու անկոտրում կամքով հայրենիքին իրենց սուրբ պարտքը տան։ Դպրոցական նստարանից դեպի Հայոց բանակ, գնում են մեզ բոլորիս պաշտպանելու տղաները, վստահ լինելով, որ հայրենիքի պաշտպանությունը վեր է ամեն ինչից։ Մարզպետը նշեց, որ լիովին հասկանում է ծնողներին, քանի որ նա էլ է զինվորի հայր,հորդորեց հպարտ լինել, ճիշտ է դժվար է, սակայն պատվով կհաղթահարեք ամեն մի դժվարություն։Բարի ծառայություն մաղթեց բոլորին։
Նորակոչիկները Iravunk. com -ի Շիրակի մարզի թղթակցի հետ զրույցում նշեցին, որ շատ բարձր տրամադրությամբ, նույնիսկ մարտական են մեկնում Հայոց բանակ մեր երկրի սահմանները ամուր պահելու, մեզ բոլորիս պաշտպանելու համար։ Իսկ ծնողների, հարազատների հոգում խառնվել էին հուզմունքն ու հպարտության զգացողությունները։ Բոլորի ցանկությունը մեկն է խաղաղ ծառայություն ու բարի վերադարձ բոլոր նորակոչիկներին։
Պատրաստեց ՀՈՎՀԱՆՆԵՍ ՍԱՐԳՍՅԱՆԸ
![](disc/26-06-24/6904ca5a9a36c41586420a03ce104c86.jpg)
![](disc/26-06-24/e492595cdea2b374f63fd51c36ea4bb5.jpg)
![](disc/26-06-24/66b5e6308e71991b7e39c9ff241d93c0.jpg)
![](disc/26-06-24/3bb8e4178dd13da0903dc653bf517476.jpg)
![](disc/26-06-24/956936d75670cc28d4b2917342fbb907.jpg)
![](disc/26-06-24/b805c8d204be94dcf9a9dd5c2cfa3ac4.jpg)
![](disc/26-06-24/9ca344f6c79312e7b351925079cdf919.jpg)
![](disc/26-06-24/756fed0b3bb931198d7241788f7986f0.jpg)